Tursti til Dønhaug, rundtur frå båthavna

Stad Uskedalen. Turkart Folgefonna nasjonalpark. Start Uskedal Båthamn. Parkering Ved Gamleskulen i sentrum. Stor P-plass med informasjonstavle for Uskedalen. Merking Inga merking langs vegen. Skilt der det er nødvendig. Gradering Grøn. Lett fottur. Store deler av traseen kan nyttast for barnevogn eller med motorisert rullestol. Høgdeskilnad 0 – 50 moh. Tidsbruk 1 time. Gode råd Alternativ tilkomst til turvegen kan vera ved bensinstasjonen, campingplassen, Sparbutikken eller Uskedal skule. Det er bratt for rullestol og barnevogn opp frå Kjærlandsvegen til Dønhaug. Alternativt vegval her er å ta av til Dønhaug gardsbarnehage og bruka vegen som går på oppsida av gardsløa. Ver forsiktig ved kryssing av Rv 48. Turomtale Følg skilting frå båthamna. Lett turveg der ein går forbi badestrand, beitande dyr og gamal karakteristisk busetnad. Frå Dønhaug har ein stor og vid utsikt over bygda, Storsund, Skorpo og Hardangerfjorden. Ein tur for å bli kjent med Uskedalsbygda og naturen rundt.