Førde bygdalag har opparbeidd eit nett av turstiar i sentrum av bygda. Samtlige er grusa og tilgjengelege med rullestol eller barnevogn.

  Stad: Førde i Sveio kommune Turkart: Sveio  (1 : 50.000) Start og sluttpunkt: Ved parkeringsplass v E39 (markert med eit stort sverd i tre), eller ved gravplassen nede i bygda (forbi butikken og ned mot Kaien). Det er og mogleg å parkera ved kyrkja og starte herfrå. Parkering: Ved E39 eller parkeringsplass ved den gamle gravplassen. Merking: Informasjonstavle på parkeringsplassen ved E39 (kjem 2018). Pilskilt ved startpunkt. Gradering: Grøn Høgdeskilnad: 50 m Tidsbruk: ½ - 1,5 time, avhengig av kva rute ein vel. Sesong: Heile året Utstyr og påkledning: Joggesko/tursko Turskildring:  Turvegnettet i Førde består av fleire samanhengande turvegar i sentrum av bygda.

  Strandpromenaden, Elvastien, Lauvnesstien og Kyrkjestien Turvegane går gjennom gammalt, frodig kulturlandskap med mange minne frå tidligare tider. Alle er tilgjengelege med rullestol og barnevogn. Start frå "Sidespranget" nedanfor butikken i sentrum, frå parkeringsplassen ved den gamle gravplassen, eller frå parkeringsplassen ved Strando. Ved Kyrkjestien finst rester av bygda sitt første kraftverk. Lauvnesstien går nordover frå badeplassen Strando og forbi Rex Garden, til byggjefeltet på Lauvneset.

  Rex garden Rhododendronparken er ein spesiell naturpark med mange tusen rhododendron og andre planter. Her er det òg treskulpturar av den lokale motorsagkunstnaren Kenneth Ravn Ottesen. Det er eit mylder av turstiar i parken. Ein del av dei er bratte og ikkje eigna for rullestol. Leikeplass øvst i parken.

  Kjærlighetsstien Denne stien ligg på vestsida av bygda.  Ta til venstre opp bakken rett før kafeen på kaien, følg turvegen langs sjøen og vidare opp mot hovudvegen.

  Skilting: Pilskilt ved starten av stiane. Informasjonsskilt ved E39 kjem (2018).

Facebook

Førde i Sveio

Turstiar i Førde-bygda

Her er det ei stor, fin grasslette med plass til aktivitetar; sandstrand, naust og toalett. For å komme til Selsåsvika landevegen, tar du av frå E39 i Førde. Det er opparbeidd parkeringsplass ved Ålfjordvegen. Høver godt for barnefamiliar. 

Selsåsvika badestrand

I Førde finn du eit heilt nytt og moderne kaiområde.  På kaiområdet i Førde er det over 80 meter djupvasskai i tillegg til ei stor småbåthamn.  Kaianlegget er utstyrt med flytebryggjer av betong og har døgnope pumpeanlegg med avgiftsfri diesel og bensin (kortbetaling). Her finn du også fleire uttak for vatn og straum.  

  For større båtar eller ved hamneleige for lengre periodar, kontakt teknisk ansvarleg, Franc Munoz, tlf 901 72 883, eller e-post: havn@kaienas.no.

  Djupvassskaien har kraftige pullertar og rail langs heile kaien. Dekk som fendring. Flytebryggjene har innstøypte fortøyingsøyer og trekant. Rikeleg med postar for vatn og straum på heile kaianlegget.

    

Førde i Sveio

Opplevingar

Turstiar i Førde-bygda

Selsåsvika badestrand

Slik kommer du deg hit

Kaien gjestehamn i Førde

Kommende arrangementer