Då isen trekte seg tilbake etter den siste istida for rundt 10.000 år sidan, var det her ute på kysten dei første menneska busette seg. Med båt og fangstreiskap skaffa dei seg mat, med båten kunne flytte på seg og halde kontakt med folk på andre øyar og i fjordane. Gjennom tusenvis av år har det handla om havet og grøda frå den blå åkeren. 

Båt og kystkultur set sitt preg også i dag både i samfunnet og på musea i området. Helleristningar og vikingskip, jekteskute og ishavsskute fortel om fortida, medan verft, fiskebåtar og offshoreskip viser dagens kystkultur og eit folkeslag som har blikket retta utover og kombinerer eldgamal kunnskap om havet med framtidsretta høgteknologi. Besøk gjerne Ishavsmuseet på Hareid og Herøy kystmuseum i Herøy for å lære meir om tradisjonar


Lundefugl og gullskattar

Yst ute i havgapet i Herøy kommune ligg den sagnomsuste fugleøya Runde. Øya har ca.150 fastbuande innbyggarar, men frå april til august kvart år, er det hekkesesong, og meir enn 100.000 fuglar inntek øya. Rundt 80 arter hekkar på fugleøya, og over 230 arter er registrert på Runde i alt. Den majestetiske havørna kan du observere heile året, men for å oppleve lundefuglen, så må du kome mellom byrjinga av april og august. Kvar sesong har si særeigne oppleving. 

Runde har eit fint turterreng, og ein vandretur ut til det historiske fyret, der fyrvoktarbustaden i dag er ei DNT-hytte, kan anbefalast. Der kan ein virkelig oppleve kreftene til storhavet på haust og vinter. Det røffe veret gjorde også til at det nederlandske handelsskipet Akerendam forliste ei vinternatt i 1725, lasta med store mengder myntar. Først nesten 250 år seinare gjorde tre dykkarar eitt av dei største myntfunna i Europa, kjent som Rundeskatten. Delar av skatten kan du sjå på Runde Miljøsenter. 

Byar og tettstader i regionen

Ulsteinvik - Fosnavåg - Hareid

Kystlandskapet

Her finn du lettgådde kystfjell, lyngheiar og eit øyrike med eit mylder av store og små øyar, holmar og skjer. Mange av øyane er knytte saman med bruer og vegar som er ei oppleving i seg sjølv å køyre på. Opplev gjerne øyane frå sykkelsetet, på ein havsafari med RIB, fot- eller fisketur. Kva med eit gourmetmåltid på Kami Skotholmen, ein restaurant du kun kjem til med båt frå Fosnavåg, eller kanskje du vil padle kajakk dit? Overnatt i havgapet på Sandsøya, Tunheimsfjøra, Flø, Fosnavåg eller på andre av dei små stadane her ute, og få med deg solnedgongen frå for eksempel Mulevika eller Hidsneset.

Korleis kjem du deg til Runde og søre Sunnmøre

Det er to flyplassar i nærheita, Ørsta - Volda lufthamn og Ålesund lufthamn Vigra. Begge med gode innanlandsforbindelser. Ålesund har i tillegg og gode forbindelser til utland heile året.

Du kan og velge den spektakulære sjøvegen, med Hurtigruten eller Havila Kystruten. Desse stoppar i Torvik, 10 minutt frå Fosnavåg. 

Offentleg transport: Buss frå Bergen og Oslo korresponderer med buss til for eksempel Hareid, UIsteinvik og Fosnavåg. I tillegg til turar frå Ålesund med “Travel like the locals”.

Om du vil køyre bil, så er øyane knytte saman til fastlandet med undersjøisk tunnell til Ørsta, eller med ferje frå Hareid til Sulesund i retning Ålesund. Det er også gode ferjesamband sørover mot Nordfjord.

An icon of trees

Reiseinspirasjon

Les meir om regionen og finn inspirasjon til å planlegge turen din.

Aktivitetar og attraksjoner på sunnmørskysten

Finn din favorittaktivtet, eller planlegg ein roleg tur til havgapet.

Norsk Olivinsenter (NOS)

Norsk Olivinsenter har lokalar på Thue gamle skule på Åheim. NOS er samlokallisert med Gullsmed Bjørnar Ekremsæter. Du kan sjølv plukke eigne edelsteinar på Peridotplassen om lag 6 km frå Åheim sentrum. I grusen kan du finne flotte eksemplar av peridot, granatperidotite og eklogitt. På Åheim kan du prøve lukka som skattegravar, og sjå om du klarer å finne dei vakre steinane som skjuler seg under grusen i Sundalen. Dette området har ein av verdas største forekomstar av mineralet olivin, som i likskap med frukta har ein karakteristisk grønfarge. Området er også rikt på andre mineralar, og spesielt granatperidotitten ved Helgehornsvatnet har lenge fascinert geologar, som har funne viktige spor etter den tidlige utviklinga av jordskorpa her. Å grave etter edelstein er spennande, mer krev litt tålmod... Har du lukka med deg, vil du finne ein stor og skikkeleg flott peridot. På skattejakt i Sundalen kan du også finne eklogittar. Dette er fine, raud- og grønspraglete steinar som vert danna særs djupt nede i jordskorpa, og er uvanleg tunge. Ta med deg nistepakke og ein porsjon flaks i sekken, og prøv lukka på skattejakt i Sundalen - her skjuler det seg mange flotte smykkesteinar for den som er flink til å grave! Åheim og Vanylven si lokalhistorie her er sterkt prega av gruvedrifta på olivin i fleire generasjonar. Selskapet A/S Olivin vart stifta av den Norske Stat i 1948. Senteret vil ha ulike temautstillingar som omhandlar historie, framtidas produkt og myter rundt mineralet olivin og kringliggande bergartar som for eksempel eklogitt og granatperidotit. Olivinsenteret vil også vere ein base for guida turar i nærmiljøet med fokus på mineralførekomstar. Norsk olivinsenter er lokalisert ved Valborgsamlinga på Thue gamle skule og opnar sommaren 2011. Edelsteinen peridot er ein smykkestein allereie kjent frå antikken. Peridot frå Åheim er verdskjent for sin intense grønfarge, og reinheit. Alle dei største mineralmusea i inn- og utland har peridot frå Åheim i sine samlingar. Dei mest kjende fasettslipte peridotane i verda, er på over 200 karat og er innprega i gull i "The Shrine of the Magi" i Tyskland (Køln).

Planlegg reisen din!

Vil du oppleve dype fjorder, høye fjell, landskap som tar pusten av deg, kultur og de ekte, vestnorske smakene? Da har du kommet på rett sted!

Finn aktiviteter, overnattingssteder, kulturopplevelser og spisesteder for å fylle ferien din med det beste av hva Vestlandet kan by på.

#visitalesund

Visitalesund

  • Facebook

    @visitalesund

  • Instagram

    @visitalesund

  • YouTube

    visitalesund