Kriblande vårstemning i FjordKysten

Våren markerar slutten på vinteren, og starten på sommaren. Tida vi vaknar sakte med sikkert opp frå dvale og produsera serotonin i hjernen som vil gje oss ein unik form for lykke. Tida der havblikk, måseskrik og fargesprakande solnedgangar er berre noko av det du kan glede deg over.

Har du alltid drøymt om å sovne til bølgebrus, havutsikt og fuglekvitter?

På kysten finn du fort kvilepulsen, omgitt av mektige naturopplevingar, sjarmerande overnattingstader og eit kystlandskap som vil ta pusten frå deg!

Vårspiring i havbotn

Etter ein lang vinter kjem våroppbloming av planteplankton i havet. Planteplankton, havets gras, er mikroskopiske eincella algar som danna grunnlaget for alt anna liv i havet. Oppblomstringa av planteplankton skjer på vannoverflata, men stikk du hovudet litt lenger ned i sjøen kan du blant anna sjå dei ulike tareartane i full gang med spiring av nye blad.

FjordKysten byr på fantastiske forhold for dykking. Stor artsrikdom, spennande dykketerreng og mange vrak å dykke ved gjer at dykkarar frå heile verda tar turen til regionen.

Norges vakraste skjergard

Når vinterstormane har lagt seg går havet over til eit roligare farvatn. Omgitt av ope hav og fjordar i Norges vakraste skjergard er forholda perfekt for sjøfiske. Her kan du finne det beste havet har å tilby.

Fiske har alltid vore viktig for øysamfunna langs kysten. Her fins det framleis tradisjonelle fiskevær og øyar der fiske er den viktigaste inntektskjelda for innbyggjarane. Her finn du hytter, rorbuer og sjøhus som har lagt forholda spesielt til rette for fiskeferiar. Du kan også bli med ein lokal fiskar på guida fisketur og få tips om dei beste fiskeplassane.

Padle i "Norges Venezia"

Med tusenvis av øyar, holmar og skjer i vakker urørt natur gir kysten deg nokon av dei beste padleopplevingane Norge har å by på! Oppdag øyriket med holmar, skjer, lune viker og kvite strender.

Ein kjem ikkje lenger vest i Norge enn til øyane i Solund, Bulandet og Værlandet – ofte omtala som «Norges Venezia». Med eit mylder av små og store øyar, holmar og skjer er dette området som skapt for padling.

Padle mellom kvite strender og stupbratte fjell

I Måløy kan du padle langs kvite strender og stupbratte fjell. Opplev gamle handelsstader og eit rikt dyreliv.

På land kan du boltre deg i mektig og urørt natur

Skyfri himmel, våryr og frisk sjøluft vil lokke deg ut i skog og mark. Ved kysten har du eit stort utval av fjell- og fotturar heile året, frå ei rekke spektakulære toppturar til fotturar i lett terreng. Nyt utsikta over eit mylder av øyar, høge fjell og langstrakte fjordar. Merka stiar gjer det enkelt å finne fram, og du kan velje ruter i alle vanskegrader.

Ta med deg sykkelen på øyhopping

Det er ingen hemmelegheit at våren kjem fortare til kystområda enn i innlandet, og om våren vil du få dei beste sykkelopplevingane. Då kan du sykle mellom eit mylder av øyar, holmar og skjer på lite trafikkerte vegar. Ferjer og båtar fraktar deg mellom øyane, og er ei oppleving i seg sjølv. Det er også flotte forhold for sykling på fastlandet, og her kan du kombinere sykkeltur med spanande kulturopplevingar.

Skap gode minner for heile familien

Om våren er det flott å bruke naturen og oppdage gleda i aktivitetar som det å gå tur i lag, fiske, eller ta ein tur på stranda for eit forfriskande vårbad. Gardsbesøk med lokale dyr er alltid kjekt for store og små. Kva med å besøke Norsk Hjortesenter på Svanøy der du kjem tett på hjorten?

Heile familien storkosar seg på hytteferie ved sjøen. God plass og rolege dagar med turar til fots eller på sjøen i nærområda er balsam for sjela for liten og stor.