Opplev Nærøyfjorden - verdas smalaste fjord

Få stadar i verda kan by på eit så storslått landskap som fjordane på Vestlandet. Det gjelder ikkje minst den smale og spektakulære Nærøyfjorden, som med sine stupbratte fjellsider på opptil heile 1800 meters høgdee, ville fossefall og levande kulturlandskap kan ta pusten frå deg.

Den unike fjordarmen er 19 kilometer lang og kun 250 meter breid på det smalaste. Fjellmassiva rundt fjorden stiger stupbratt opp, med stadige brusende fossefall nedover fjellsidene. Fleire stadar langs fjorden kan du sjå små gardar utan vegsamband, som er ein arv frå den tida då fjorden var den viktigaste trafikkåren i området. Nærøyfjorden er med andre ord rik på kontrastar og gir eit unikt samspill mellom naturlandskap og kulturlandskap. Her finn vi store kontraster frå strandlinja med sitt milde klima, til høgfjell med isbrear og fonner.

I Nærøyfjordområdet er det også fleire urørte og villmarksprega områder. Ein fottur i Aurlandsdalen er noko heilt for seg sjølv. Her snor Aurlandselva seg gjennom landskapet, og du har fantastisk utsikt over fjord og fjell. Dalen startar på høgfjellsplatået Hardangervidda, går gjennom fjella i Skarveheimen, fortsetter gjennom frodig landskap i Aurlandsdalen og endar opp ved Aurlandsfjord og Nærøyfjord.

Det finst ein rekke muligheiter til å sjå Nærøyfjorden tett på frå fjorden. Blant anna kan du oppleva den vakre naturen ved ulike rundturar med både båt og ferje – eller du kan dra på padletur.