På sykkel i Solund

Krakhella - Leknessundet

Reis kollektiv frå Bergen eller Selje med Nordfjordruta og hopp av på Krakhella. Her syklar du på vegen mot Leknessundet. Leknessundet er ei lita grend i nordre del av Solund. Her er det fint å kombinere sykkel og fjelltur på Uranipa, 133 meter over havet. Turen har lett stigning, og på toppen får du vakker utsikt i alle retningar.

Leknessundet - Hersvikbygda

Frå Leknessundet syklar du tilbake om lag 5 kilometer før du tar til høgre i krysset. Sykle til enden av vegen ned mot hamna og du kjem til Hersvikbygda. Frå her kan du kombinere sykkelturen med båttur rundt skjergarden i nord Solund. Besøk Buskøy og få innblikk i stadens historie og dei ulike verksemda som har vore drive på den gamle handelsstaden. Båten vil stoppe der det er passasjerar, eller der den skal levere post. Det er også mogleg å bestille rundtur rundt øyane. For ruteinformasjon og bestilling, sjå vidarhop.no.

Hersvikbygda - Avløyp

Denne ruten har to alternativ. Om du føler deg sprek kan du sykle strekninga til Avløyp. Eller så kan du sykle til Hardbakke for ein kvil før du fortsett vidare mot Avløyp neste dag.

Ta av i krysset mot Strand og sykle nordover langs det idylliske Liasundet. På turen passerar du grendene Lia, Råke og Strand før du til slutt kjem til Avløyp.

Avløyp - Hardbakke

Sykle tilbake langs Liasundet og ta til høgre i krysset mot Hardbakke. Kun få minutt etterpå kjem du til kommunesenteret. Her står opplevingane i kø.

Bu godt på Solund leilighetshotell, eller leig deg ei hytte hos Steinsund Marinesenter, 5 minutt frå Hardbakke. Tilbring ein dag eller to med å utforske Hardbakke og øyane rundt. Bli med på øyhopping med postbåten, fyrsafari til Utvær, og få guida kajakktur med Sognefjord Active.

Ønskjer du å utforske Solund frå toppen kan du vandre opp til Ramnenipa, fjellet som ligg som ein vegg bak Hardbakke.

På sykkel i Ytre Sula

Etter fleire dagar med opplevingar på Hardbakke syklar du mot den yttarste delen av Solund. Etter ein kort fergetur frå Daløy til Haldorsneset syklar du nordover til Hjønnevåg. Her finn du Solund Rorbuferie og restauranten Havkroa som er ein fin base for å utforske Ytre Sula. Restauranten er ope om sommaren.

Hjønnevåg - Kolgrov

Frå Hjønnevåg syklar du mot Kolgrov – eit idyllisk grendesamfunn med sjarmerande hus og vakker natur. Lytt til bølgane som skvulpar i sjøkanten, eller sjå bølgene slå mot land på dei stormfulle dagane. Om du ønskjer å overnatte kan du bu godt hos Kalgraff ferie og fritid.