Fjordranger Basecamp-program hos Norsk Fjordsenter – Besøkssenter verdsarv Geirangerfjorden

Fjordranger Basecamp-program er eit skreddarsydd utandørs aktivitetsprogram for interaktiv læring, utforsking og lagarbeid.

Er du nysgjerrig på fjordlandskapet og dei som bur her? Da kan du bli med Fjordrangeren vår på ei reise i tid. Sjå korleis isbreane og elvane har forma landskapet. Lær meir om mangfaldet av dyr og planter i verdsarvområdet, og om det skjøre biologiske samspelet. Gjennom lagarbeid og enkle aktivitetar er du med og byggjer din eigen, vesle fjordgard-bygning, og du får eit innblikk i korleis menneska har overlevd i dette vakre, men ville fjordlandskapet.