Bestill

Herøyspelet – i heilt ny utgave

Herøyspelet «Kongens Ring» inviterer i år til eit heilt nytt spel.

For første gong sidan starten i 1992 har spelet ny regissør. Jeff Pedersen har regissert fleire andre historiske spel, og han tek no fatt på jobben med å vidareutvikle «Kongens Ring».  Men den gamle historia ligg i botn. Hovdingdottera Unn, valet mellom festarmannen foreldra har valt og rebellen ho er forelska i og valet mellom gamal og ny tru.  Den spesialskrivne musikken, det store orkesteret og den store utescena er den same – og utsynet mot Stadhavet. Vi skal møte Olav den heilage og hirden hans, herjungar og herøyfolk. Rundt 200 i talet, unge og gamle, amatørar og profesjonelle, musikarar, songarar og skodespelarar.

Med i billetten får du også skyss med båt eller buss til øya Herøy. På tunet på handelsstaden frå 1800-talet er det spelkafe og folkeliv. Og no byr også Herøyspelet på vikingleir med familieaktivitetar som pil og boge, kampstokk og stort bondesjakk.

Kongens Ring vert spelt fire gongar i løpet av den første helga i juli. Dei yngste barna er gratis på alle forestillingar og på siste forestillinga søndag er det halv pris for barn opp til 16 år.

    Visninger

    Uteamfi på Herøy (Tjørvåg)
    02. juli:
    • 13:30
    • 17:00
    03. juli:
    • 13:30
    • 17:00

    Kontakt

    Adresse:
    • Herøy Gard
    • 6070 Tjørvåg
    Telefon:
    +47 97 98 33 05
    E-post:
    Nettside:
    www.heroyspelet.no

    Hvor er Herøyspelet Kongens Ring?