VELKOMMEN TIL KINN OG TEATERET VED HAVET

Ein scenografi med blått hav, høg himmel, Kinnaklova og den gamle steinkyrkja frå 1100-talet, er det som møter deg på Kinn. Du går ombord i båten ved kaia i Florø og får ei reise gjennom vakker skjergard ut mot det opne havet. Her på havstranda ligg den vakre, gamle middelalderkyrkja, ei av dei eldste i Noreg.

Kinnaspelet «Songen ved det store djup,» dramatiserer denne 1000 år gamle historia. Det er også eit drama om kjærleik og svik, tvil og tru, då reformasjonen kom til Noreg og kasta vrak på ein 500 år gammal tradisjon og levemåte i eit lite bygdesamfunn. Kinnaspelet handlar om då danskekongen sin fut kom til Kinn i 1537 og gjer kjent at pavekyrkja si tid er forbi. Kongen skal no eige alt kyrkjegods, og ein ny, luthersk prest må setjast inn. Bygdefolket slår spontant ring om kyrkja og presten sin. Gjennom bygdefolket sitt «kirkespill» får vi høyre legenda om korleis kyrkja blei bygd her ute ved havet. Dette er forteljinga om då den kristne prinsessa Sunniva frå Irland rømmer frå vikingkongen Ramn som vil ha henne til dronning. Med følgjet sitt legg ho ut på havet i båtar utan segl, ror og årar, og lar vind og havstraumar råde. Dei driv i land på Selja. Seinare blir ho St. Sunniva, helgen for Vestlandet. Søstera hennar Borni, driv i land på Kinn, og skal i følgje legenda vere ho som fekk bygd Kinnakyrkja.

Dette er teateret ved havet, der naturen og landskapet spelar med på ein måte som du sjeldan finn maken til.

Tilrettelegging Kinnaspelet vert tilrettelagt for funksjonshemma med hovudfokus på synshemma. Reisa til Kinn For å komme til Kinn tar ein passasjerbåt frå Fugleskjærskaia i Florø. Båtane er satt opp i samband med Kinnaspelet, og har ikkje faste rutetider, men går med ein gong dei er oppfylte. Båtturen tek ca 25 minutt. Billettsal Det er to førestillingar både lørdag og søndag. Billettar blir lagt ut på www.kinnaspelet.no når det er klart.   

Kontakt

Adresse:
  • 6912
  • Kinn
Telefon:
57 75 25 30
E-post:
kinnaspelet@gmail.com
Nettside:
www.kinnaspelet.no

Hvor er Kinnaspelet?