Har du lyst på ei unik oppleving ved havet? Værlandet Havhotell byr på overnatting med havet rett utanfor soverommet! Hos oss kan du leve fritt og utforske øyriket Værlandet og Bulandet på din måte, i ditt tempo.
Værlandet Havhotell tilbyr overnatting i moderne arkitektur i eit ope landskap med himmel og hav tett på, og med majestetiske Alden som næraste nabo i horisonten.
Værlandet Havhotell består av 8 dobbeltrom (seks familierom og to handikaprom). Begge dei to hotellbygga har spektakulær utsikt over himmel og hav. Alle våre rom har eit eige tema som pregar fargeval og interiør. Stikkord er hav, natur, dyreliv, geologi, fauna, fiskeri og historie.
Resepsjonen for hotellet er lokalisert hos Joker Værlandet på ferjekaia på Værlandet.
Om romma
Romma er innreia med dobbeltsengar og møblar som sikrar deg som gjest eit praktisk og behageleg opphald på Værlandet. Dobbeltsengane er 150 cm breie og består av 2 stk rammemadrasser som kan koblast ifrå einannan dersom det er ynskje om det – dette kan avtalast ved bestilling av rom. Det er plassert ei lita sittegruppe med 2 stk lette lenestolar og eit lite salongbord. I tillegg til dette er romma innreia med eit lite kjøkkenbord (50 x 70 cm som kan slåast ut til 90 x 90 cm) og 3 stk kjøkkenstolar. I alle dobbeltrom som vi kallar for familierom, er det ein krakk inne på det ekstra soverommet som kan brukast som sittemøbel.
Alle dobbeltrom har eigne bad med dusj, og er utstyrt med eit enkelt minikjøkken med 2 kokeplater, mikroovn og vannkoker. Gjestane våre finn enkelt utstyr til matlaging, og service/bestikk o.l til 4 pers i kvart rom. I tillegg ligg det ein liten rasjon med pulverkaffi, teposer, salt/sukker o.l i ei kurv på kjøkkenbenken.
Det er eigen balkong (ca 4 x 1,6 meter) til kvart hotellrom.
Dobbeltrom (familierom) Seks av våre dobbeltrom har eit ekstra soverom med plassbygd familiekøye i størrelsen 120/75 x 200 cm. NB! Hovudsoverommet og ekstrasoverommet deler eit felles bad.
Dobbeltrom (handikaprom) To av våre dobbeltrom er handicap/rullestoltilpassa, og har ikkje eit ekstra soverom.
