Snorres Kongesoger fortel at Moster på Bømlo var første staden Olav Tryggvason gjekk i land då han kom til Noreg i år 995 for å kreve kongetrona og innføre kristendomen. Kong Olav den Heilage kom deretter til Mostratinget i 1024 og presenterte Kristenretten for første gong i landet, lovverket som erstatta dei norrøne lovene og som er grunnlaget for vårt moderne lovsystem.  Moster gamle kyrkje - ei av dei eldste steinkyrkjene i Norge, og Mostraspelet har fortald soga om desse kongebesøka på Moster i det vakre Moster Amfi. I 2016 var det urpremiere på det nye Mostraspelet, I slik ei natt, med regi av Svein Tindberg. Bømlo Teater står bak produksjonen.   På den vakre friluftsscenen er det sitjeplass til 1000 tilskodarar. Her kan du oppleva Mostraspelet, musikalar og konsertar. Sjå nettsida til Moster Amfi for program og opningstider.  Inne i Moster Amfi ligg utstillinga "Frå heidendom til kristendom", ei tankevekkjande vandring gjennom den norrøne mytologien, samfunnet i vikingtida og overgangen til kristen tru og livsforståing.  Her finn du òg bergverksutstillinga "Steinriket Bømlo", som skildrar Bømlo si spennande bergverkshistorie.

  I Amfisalen blir det heile året arrangert intimkonsertar, teater, utstillingar, foredrag og selskapsarrangement. I Amfikafeen vert det servert bl.a. vikingsodd og nysteikte vaflar.  

  Billettar til omvising og utstillingar kan ein kjøpe i Amfikafeen.

   

Facebook

Bømlo

Moster Amfi

Stad: Mosterhamn/Bømlo.

  Turkart: Mosterhamn ­– Bømlo (1 : 50.000).

  Start- og sluttpunkt: Moster Amfi.

  Parkering: Ved Moster gamle kyrkje er det gode parkeringstilhøve. Her kan også bussar parkera. Ved Moster gruvepark er det tilrettelagt for båtturistar.

  Merking: Informasjonstavle ved startpunkt. Moster Amfi og Tur- og friluftsgruppa Dynamiske Mosterhamn har merkt  løypa.

  Gradering: Grøn/Blå. Lett fottur.

  Høgdeskilnad:  0 - 74 moh.

  Tidsbruk: Frå 1/2 til ca. 3 timar.

  Gode råd: Nokre våte og glatte parti, bruk høvelege sko.                                                                                                                                                          

  Turomtale: Start like ved Moster Amfi.  

  Den første delen av løypa er konsentrert  rundt hamna på Moster og tek deg med på ei historisk vandring tilbake til år 995. Tek du turen innom Moster gamle kyrkje, får du høyra historia om Olav Tryggvason, som i 995 kom frå England for å krevja kongsarven sin og kristna landet, og Olav Haraldsson og bisp Grimkjell, som sette kristenretten på Mostratinget i 1024. Følgjer du stigen frå vegen ved kyrkja, kjem du opp til Kyrkjestølen og Olavshola før du når toppen av Vetahaugen (løypa sitt høgaste punkt, 74 moh.). På Vetahaugen står den store steinkrossen, som vart avduka av kong Håkon VII ved 900-årsjubileet i 1924. Heile dette området har gode skilt som fortel om dei mange historiske hendingane. Frå Vetahaugen kan du følgja stigen ned på austsida til han svingar av nordover til Olavskjelda. Deretter følgjer du vegen til Moster Amfi, den gamle kalkgruva som på 1980-talet vart ombygd til Nord-Europas flottaste uteamfi. Her kan du om sommaren oppleva sogespel og store musikalar. Inne i Moster Amfi ligg den religionshistoriske utstillinga "Frå heidendom til kristendom", bergverksutstillinga "Steinriket Bømlo" og Amfikafeen. Ved inngangen til amfiet ligg "kongesteinen", der dei første kristne lovene vart lesne i 1024. Steinen er òg signert av kong Olav V, kong Harald og dronning Sonja. Like nedanfor ligg Tollhagen, som har tent tollvesenet frå 1700-talet og fram til ca. 1900. Frå Tollhagen kan du vandra gjennom tunellen til Gruveparken, ei stor nedlagd gruve som lokale krefter har gjort om til ein vakker bade- og friluftsarena.  

  Den andre delen av løypa fortset i Mosterhamn ved den best bevarte av dei mange kalksteinsomnane i regionen. Løypa tek deg vidare frå Mosterhamn på delar av den gamle postvegen (stig) langs Bømlafjorden og inn på Marmorvegen på Notland. Dette idylliske området skiftar mellom ope terreng med utsikt mot fjorden, og tett lauvskog. Her på Notland skjuler det seg fleire historiske gruver med utskipingssystem og kaianlegg  som fortel den unike historia om Marmor- og kalksteinsdrifta i Synken som har sett preg på Moster frå 1000-talet og fram til moderne tid. Frå Notlandsvåg kan du følgja hovudvegen tilbake til Mosterhamn igjen.

Kulturløypa i Mosterhamn

Moster

Kystpilgrimsleia

Omvisning i Moster gamle kyrkje inngår i omvisningane på Moster Amfi.

  Snorre Sturlason fortel i Kongesogene at Olav Trygvason let byggja ei kyrkje på Moster då han kom til Noreg i år 995. På denne staden ligg Moster Gamle Kyrkje, og denne steinkyrkja har rundt 100 sitjeplassar.

  Veggane er 1.1 meter tjukke, og kyrkja har to rom (eit skip og eit kor). Innvendig har kyrkja etter-reformatisk dekor, og det er rissa inn mange bumerke og runer både på døra og på veggane. Mange av desse er enno ikkje registrerte eller forska på. På veggane er det kalkmåleri frå 1600-talet, med mellom anna scener frå Jesu liv, Abraham si prøving og jomfru Maria. Kyrkja er ein av dei enklaste kyrkjebygningane i landet vårt, og har berre  klebersteinssokkelen som utvendig dekor. Golvet er no av tre, men har tidlegare vore hellelagd og truleg var det berre jordgolv før det igjen.

  Preikestolen er i rennesanse-stil. Alteret er bygd av stein i Olav Trygvason si tid, medan alterbordet er av tre og liknar på eit skap. Det er ei vakker altertavle der frå 1825, med illustrasjonar av nattverden og korsfestinga.

  Ved inngangen i kyrkja er det kyrkjestolar for småbarn som skulle døypast, og kyrkjestolar for inngangskoner. Der måtte kvinnene som var "ureine" sitja. Dei var ureine i 40 dagar etter fødselen viss det var ein gut, og 80 dagar etter fødselen om det var ei jente. Denne skikken har halde seg ganske lenge nokre stadar i landet. Då det etter utetter 1600-talet kom fleire folk i kyrkja, auka dei talet på sitjeplassar med å byggje galleri. Galleriet er dekorert med bilete av dei tolv apostlane, men Judas er malt på nordmuren på grunn av plassmangel. Det har og vore eit galleri på nordveggen som var bygd på 1800-talet, men det blei i seinare tid tatt ned. Fortidsminneforeningen kjøpte kyrkja i 1875, og utanom kalking av veggene utvendig har ikkje kyrkja blitt endra sidan då. Mykje er usikkert når det gjeld denne kyrkja og historia til kyrkja. Det er mellom anna ikkje sikkert at denne kyrkja var den fyrste kyrkja på norsk jord. Nokre hevdar at det fyrst vart bygd ei trekyrkje, og at steinkyrkja har tatt over for denne, sidan denne truleg ikkje vart bygd før på 1100- talet.

  Døypefonten Fremst i kyrkja står det ein døypefont. Den er ei gåve frå eit seglskip som heitte "Dronning Anna Sophia", og kapteinen på skipet heitte Busch. "Dronning Anna Sophia" var eit Ostindiafarerskip frå Danmark som kom i havsnaud frå 29. desember 1721 til den 12. februar 1722, og lova i bønene sine at den fyrste kyrkja dei fekk komma i hamn til, skulle få store gåver. Dei kom til Moster, og kyrkja fekk utdelt eit dåpsfat av sølv som var verdt 50 riksdalar. For femti riksdalar kunne ein på denne tida få kjøpt tolv kyr, noko som representerte ein stor verdi. "Dronning Anna Sophia" gav også vindauge verdt to riksdalar og ein døypefont verdt 16 riksdalar i gåve til kyrkja. Døypefonten har form av ein mann, og det høyrer til ein himmel, eller ei krone, som har ei due inni seg. Under dåpen blei denne hengt ned under himmelen. Ved sida av døypefonten er det ei luke i golvet, som dei pleidde å tøma det brukte dåpsvatnet i, så det skulle hamna i vigsla jord.

  I 1924 var kong Haakon 7 på Moster og avduka Steinkrossen på Vetahaugen.

Moster Gamle Kyrkje

Inne i Moster Amfi ligg utstillinga "Frå heidendom til kristendom", ei tankevekkjande vandring gjennom den norrøne mytologien, samfunnet i vikingtida og overgangen til kristen tru og livsforståing.  Her finn du og den nye bergverksutstillinga "Steinriket Bømlo", som skildrar Bømlo si spennande bergverkshistorie.

  Om sumaren er det faste omvisningar kvar sundag frå juni og ut august, og kvar dag i juli. Sjå heimesida til Moster Amfi for omvisningstider. 

  Omvising for grupper kan tingast heile året.

  Meir info på nettsida til Moster Amfi.

Frå norrøn til kristen tid

Utstillinga i tunnelen i Moster Amfi fylgjer Amfiets opningstider. Men i tillegg til denne utstillinga er det og historiske lokalitetar rundt om på Bømlo som er mulig å oppleve når ein vil. Desse turane krev eigen båt, eller frå 2-45 minutts gange. I Moster Amfi, i Turboka og på nettsida www.steinriketbomlo.no finn du informasjon om korleis du finn fram til dei ulike lokalitetane.  Velkomen til ei ny og spanande oppleving på Moster Amfi.  Turguiden viser deg veg til dei ulike bergverkslokalitetane på Bømlo, og gjev ein historisk oversikt over dei ulike bergverkskapittela samt kort info om bruken av dei ulike metalla og bergartene.

  For meir informasjon, sjå nettsida til Moster Amfi.

Utstillinga "Steinriket Bømlo"

Amfikafèen har lun atmosfære og nær kontakt med naturen - det er mest som å sitje i ein vinterhage! På amfikaféen serverer dei på bestilling både enkle og avaserte måltid.

  Amfikafèen er óg arena for kunstutstillingar. Her kan du nyta eit godt måltid, bli inspirert av utstillingane og finne ro i kropp og sjel!  Kafèen er open for gruppebestillingar heile året.

Moster Amfi - Amfikaféen

Fjord Ferie Feriehus - Spissøy

  Flott, nytt og moderne feriehus som vart ferdig i mai 2013. Ligg fredeleg til i eit regulert felt med ca 5 feriehus. Eigendomen ligg oppe på ei forhøyning, og har dermed fin utsikt utover fjorden frå terrasse, soverom og stove.

  Flott utsikt over skipsleden mellom Stord og Bømlo, som har eit yrande båtliv. Supert hus for familieferie og fisketurar. Svært praktisk og godt utnytta feriehus med mange store og flotte vindu, som gjer det lyst og triveleg. Nedsenka hems gjer det til eit spnnande feriehus for så vel små som store born. Hemsen kan brukast til soverom eller aktivitetsrom.

  Terrasse som går rundt tre sider av feriehuset. Her er moglegheitene for å nyte utelivet i fulle drag store! Inngangspartiet er innebygdt i svalgang mellom hytte og stort lagerrom. 

  Nede ved sjøen er det egen flytebrygge med sløyeplass for fisk og plass til oppbevaring av utstyr.

  Rundt i nærområdet og videre mot Bømlo, er det gode moglegheiter for eit aktivt friluftsliv. Her er det flotte naturområder som er godt utbygd med sykkel og gangstiar, godt merka turløyper. I skogen er det sopp og bær i sesongane. Bømlo er eit eldorado for aktivitetar på sjø og land, her finn du fred og ro i eit vakkert kystlandskap. Til fjelltoppen "Siggjo" er det merka turstiar.

   

Spissøy Feriehus

Fjord Ferie Feriehus - Spissøy

  Koselig hytte ved sjøen, med panoramautsikt, badestrand og privat brygge. I tillegg til hytta (men inklusiv i leiga) er det eit lite, koselig anneks.

  Totalt er det plass til 6 voksne. Byggeår er 1973 men renovert i 2000, grunnflate 60m2, vinterisolert og med god standard. Annekset er frittliggande og har eigen terrasse og bad. Totalt BOA er ca 80 m2. Elektrisk oppvarming.

  Hytta ligg på den sydøstlige siden av øya Spissøy, på ein svært rolig og privat plass i eiga vik. Flotte uteplassar med terrasser, utemøbler og grill. God parkering.

  Utsikt mot øst og mot Bømlafjorden. Tomta er stor og romsleg, og det er leikeapparat for born samt vedfyrt badestamp (kan brukast etter avtale med utleigar). Jordkjeller til kjølig oppbevaring av matvarer. Under terrassen er det et stort lagerrom for utstyr.

  Annekset har to rammemadrasser 75 x 200 cm, kommode, og enkel salong. I kjelleren er det eit lite bad med vask, toalett og dusj. I tillegg eit lite lagerrom.

  Eiga hamn nedanfor hytta. Her ligg båten ved flytebrygga og det er benk med kaldt vann for filetering av fisk. Det er også ei lita strand der du kan nyte fine sommardagar.

  Rundt i nærområdet og videre mot Bømlo, er det gode moglegheiter for eit aktivt friluftsliv. Her er det flotte naturområder som er godt utbygd med sykkel og gangstiar, godt merka turløyper. I skogen er det sopp og bær i sesongane. Bømlo er eit eldorado for aktivitetar på sjø og land, her finn du fred og ro i eit vakkert kystlandskap. Til fjelltoppen "Siggjo" er det merka turstiar.

   

Moster

Opplevingar

Moster Amfi

Kulturloipe in Mosterhamn

Kystpilgrimsleia

Plane deine Reise!

Mat og drikke

Moster Amfi - Kafeteria

Spissøy Ferienhaus

Spissøy Ferienhaus am Meer