Ei av Noregs aller største stemmer inviterer til ein storslått julekonsert med 100 % gåsehudgaranti.
Didrik Solli-Tangen gjev deg dei absolutt vakraste juleklassikarane framførte med sjel, kraft og presisjon. «O Helga Natt» er ein majestetisk og stemningsfull julekonsert som treff publikum midt i hjartet.
Velkomen!
«Didrik leverer patos, dynamikk og et voldsomt vokalspekter» – Dagbladet
«Solli-Tangen framfører med hjertet milevis utenpå brystet» – VG
BIOGRAFI:
Didrik Solli-Tangen (f.1987) er utdanna klassisk songar ved Barrat Due musikkinstitutt i Oslo. Han fekk sitt nasjonale gjennombrot i 2010 då han vann den norske finalen i Melodi Grand Prix, med låta «My Heart Is Yours». Hausten 2017 deltok han i Stjernekamp på NRK der han fekk ein andreplass. I 2021 vann han Maskorama på NRK forkledd som «Snømonsteret». Finalen blei sett av over 1,2 millionar sjåarar.
I over 10 år har Didrik si kraftfulle stemme klart å røre heile det norske folk, inkludert Kongefamilien. Hans første eigne julelåt «Det Skal Bli Jul» har blitt A-lista på NRKP1 og han har spela for utselde konserthus over heile landet. I 2024 gav han ut albumet «O Helga Natt» saman med Kringkastingsorkesteret.
---
Varigheit: om lag 90 minutt
Ledsagarar og rullestolar: Ledsagarar har fri inngang. Det finst eit avgrensa antal rullestolplassar tilgjengeleg. Billettar til ledsagar og rullestol får du via resepsjonen – kom innom eller kontakt oss på telefon 917 50 231 / e-post resepsjon@oseana.no