Historisk sjøhus med sjel
Juliabuda er eit rustikt og autentisk sjøhus frå 1860-åra, vakkert plassert i havkanten i Haugsbygda på Gurskøya. Huset har ei levande historie som handelsstad og rorbu, og vert i dag brukt som overnattingsstad for grupper og familiar. Her bur du i eit restaurert sjøhus med skeive golv, salt i bjelkane og ei atmosfære som vitnar om livet langs kysten gjennom fleire generasjonar.
God plass og praktisk standard
Juliabuda passar godt for både små og større grupper, med fleksibel inndeling og rom for både ro og felleskap. Sjøhuset består av to leiligheiter (totalt sengeplass til 14 personar ved samleleige), som kan leigast kvar for seg eller saman. I første etasje er det eit stort fellesareal med utsikt mot Stadt og øyane i vest – ideelt for langbord, måltid og sosiale samlingar. Vertskapet er ikkje alltid til stades, men legg godt til rette for gjestene.
- Éi mindre leilegheit med 2 soverom og 5 sengeplassar
- Éi større leilegheit med 3 soverom og 9 sengeplassar
- Tilsaman 3 bad med dusj og toalett
- God oppvarming og gratis parkering
- Sluttvask inkludert i prisen
- Sengetøy kan bestillast
- Gratis bruk av robåt (på eige ansvar)
- Felles kaianlegg for begge leiligheitene
Opplevingar ved fjord og fjell
Juliabuda ligg idyllisk til med kaiplass og kveldssol – eit perfekt utgangspunkt for både rolege dagar og aktive utflukter. Her kan du nyte reker og krabbe på kaia, bruke den vesle robåten (på eige ansvar), eller sløye dagens fangst inne i sjøbua. På klare dagar kan du sjå heilt til Nordøyane, Stadt og Sunnmørsalpane frå dei mange fjelltoppane på øya.
Nærområdet byr på varierte turopplevingar – som til Runde og Runde fyr, fjellturar til Sandviktua og Veten, grottevandring i Dollsteinhola, barnevennlege aktivitetar på Hakkalegarden eller Eventyrstien ved Gursken kyrkje.
Sentralt på Søre Sunnmøre
Frå Juliabuda er det kort veg til fleire attraksjonar og tettstader. Fugleøya Runde, Ulsteinvik, Fosnavåg, Ørsta og Volda er alle innan rekkevidde med bil, og du når Ålesund med ferje eller hurtigbåt frå Hareid. Om du kjem via Kystriksvegen eller frå aust via Strynefjellsvegen, finn du lett vegen til Gurskøya – ei perle mellom fjord og hav, der historia møter havutsyn og kvardagsro.
