Båthamna
Første stoppet i kulturvandringa er i båthamna. Her får du Askvoll-bygda sett frå sørvest, slik Anders Askevold måla det kring 1858.
Bøen
"Fra kunstnerens hjem". Her budde foreldra til Anders frå ca. 1859 og det var hit Anders Askevold kom på besøk etter at han hadde budd i Bergen og Christiania og fått opplæring i teikning og måling
Murhuset
Dette huset vart bygd av son til bonden Peter Askevold på Askvoll Øvre, Lars Fritjof. Han var murarmeister og hadde arbeidd i Trondheim og Bergen.
Vadestaden
For å få kyrne på beite i Askedalen og i Askvollmarka måtte ein alltid vere budd på å krysse elva. Gjetarene og budeiene var godt kjende med dei beste vadestadane. Les meir om korleis dei tok seg over elva på kulturvandring.no
Kyrkja
Anders Askebold laga teikningane til denne kyrkja, sjølv om han ikkje var arkitekt. Ho vert gjerne rekna som ei enkel, klassisk kyrkje. Askvollkyrkja vart oppført i ei tid med mykje kyrkjebygging i landet vårt.
Ved kyrkjegardsmuren
Måleriet "Ved naustet" frå 1866 ser ut til å ha henta motiv frå fjæra vest for kyrkja. Les meir om måleriet og kva ein ser på kulturvandring.no
Prestegarden
Denne staden har nok hatt stor betydning for Anders Askevold. Han gjekk på skule her saman med faren som lærar. Han hadde eit godt tilhøve til prestane som virka her på hans tid
Klokkargarden
Anders Askevold vart fødd på den gamle Klokkargarden på Prestegarden 1. juledag i 1834. Som eldste son måtte Anders tidleg gjere nytte for seg som gjetar, og har slik fått god kjennskap til livet som ein vestlandsgard og til husdyra der.
Øyra og Kleivasvingen
Bilete "til seters" har henta motiv frå strandlinja i Askvoll, litt lenger inn enn dagens friluftsområde Øyra. Øyra og Kleivasvingane er punkt 9 og 10. på Kulturvandringsløypa, og du er dermed ferdig med turen.