Nykshytta er dagsturhytta for Askvoll og er ein fin tur for heile familien.
Kvar ligg Nykshytta?
Nykshytta ligg ved Nyksvatnet i Holmedal, og er plassert 455 meter over havet.
Korleis kjem eg meg til Nykshytta?
Følg fv609 frå Førde eller Askvoll til du kjem til Holmedal. Ovanfor kyrkja køyrer du mot fjellet på ein kommunal veg, om lag 1,5 km før du svingar til høgre nye 1 km. No er du på ein parkeringsplass ved vassverket i Holmedal. Det er skilta undervegs
Sesong for turen til Nykshytta
Dagsturhytta Nykshytta er ope for besøkande året rundt, men turen er anbefalt å gå i perioden det er snø og isfritt på toppen, og vegen opp.
Turbeskriving til Nykshytta
Stien opp til hytta er om lag 2 km og i vanleg tempo brukar du rundt 45 minutt opp. Hytta har solcelle for å få varme og lys i hytta, samt utedo. Frå hytta har du flott utsikt over Dalsfjorden.
Dagsturhytta er eit lågterskeltilbod for turgåarar - ein plass for å ete matpakka si og få litt varme i seg. Kvar hytte har eit nynorsk turbibliotek med mange ulike bøker. Det er ikkje lov te å overnatte i hytta.
Tilkomst
Følg fv. 609 til du kjem til Holmedal. Ovanfor kyrkja køyrer du 1,5 km mot fjellet på ein kommunal veg før du svingar til høgre nye 1 km, og du vil komme til parkeringsplassen ved vassverket i Holmedal. Det er skilta undervegs og fyrste del av stien går på ein smal traktorveg til Vikastølen. Derifrå går du på fin sti mot Nyksvatnet som er drikkevatnet til Askvoll og Holmedal.
Like før Nyksvatnet kjem du til eit stiskille, der du tar av til høgre mot Moldura. Ein kan også gå rett fram opp til Nyksvatnet og ta til høgre ved skilting Håland/Tveit - stølane. Hytta ligg då berre 100 meter lenger oppe.