Herdla Museum - Museum Vest

Herdla er det perfekte turmålet for deg som vil kombinera museumsbesøk og friluftsliv. Etter ein 45 minuttars køyretur frå Bergen til Herdla Fort finn du det perfekte utgangspunkt for både å vitja fuglereservatet og restane av den tyske festningen på øya. Her kan du lese meir om Biltur fra Bergen til Herdla.

UTSTILLINGAR: Museet held til i eit særprega nybygg med panaromautsikt på Herdla fort. Her finst både faste og skiftande utstillingar.

Gul-16 –frå jagarfly til kulturminne Den 15. desember 1943 tok det tyske jagarflyet «Gul-16» av frå basen sin på Herdla. Rett etter take-off fekk flyet problem og måtte naudlanda på sjøen og sank. 64 år seinare blei det heva og er i dag museet sin hovudattraksjon.

Historie, natur og miljø Ei fast utstilling fortel om fuglelivet på Herdla. Dei ulike skiftande utstillingane femner vidt og kanomhandla både historie, natur og miljø.

AKTIVITETAR:

Guida turar: Fram til 2006 var Herdla torpedobatteri eit topphemmeleg forsvarsanlegg. I dag er det fullt utstyrte batteriet freda som kulturminne. Ein guida tur gjennom anlegget er som ei reise tilbake til den kalde krigen. Turen tek ca. ca. 1 time og 15 minuttar.

Fuglekikking: Herdla er det rikaste og viktigaste fugleområdet i regionen og godt tilrettelagt for besøkande. På museet får du informasjon om ruter du kan gå for å oppleva fuglane utan å forstyrra dei. Museet kan også organisera guida fugleturar. Frå den flotte fuglebua kan du fotografera, følga med på fuglelivet og nyte nista.

Tur, fiske og bading: Herifrå er det også kort veg til gode fiske-og badeplassar. På museet kan du også fåtips om turar og andre ting du kan oppleva på øya.

Kafé og museumsbutikk:

Museet har kafé med varm og kald drikke, kaker og snacks.

Det er gratis inngang for born.

Det går buss til Herdla fleire gonger om dagen (buss 499 frå busstasjonen i Bergen.)

Muséet opnar på bestilling, også for mindre grupper. Museet er universelt utforma.