Hornindalsvatnet

Hornindalsvatnet er ein innsjø i Stad kommune i Vestland og i Volda kommune i Møre og Romsdal. Hornindalsvatnet er den djupaste innsjøen i Europa, og blant dei djupaste innsjøane i verda.

Hornindalsvatnet er 50,5 kvadratkilometer stort, opptil 514 meter djupt og ligg 53 meter over havet. Vatnet er med det den største innsjøen på Vestlandet og den djupaste innsjøen i Europa.

Vatnet i Hornindalsvatnet er påfallande klart, på grunn av at det knapt er brear i nedslagsfeltet og fordi vatnet er næringsfattig. Innsjøen har avløp vestover gjennom Eidselva til Eidsfjorden, som er ein arm av Nordfjord.