Nasjonalt Villakssenter

Nasjonalt Villakssenter har teke elvi inn i senteret og du får oppleve laksane i sitt rette element- ja du kan nesten ta i dei.

I utstillinga kan du følgje laksen gjennom oppveksten i elva, vandringa ut i storhavet, tilbake inn fjorden og opp fødeelva til han møter fossen der han ikkje kjem lengre. Kva møter han på sin veg? Kva har laksen betydd for oss? Korleis står det til? Korleis påverkar mennesket livet hans før og no? Korleis ser framtida ut?

Nasjonalt Villakssenter tek i bruk film, lyd, store projiseringar og bilde. For deg som vil ha meir informasjon har senteret, interaktive skjermar.  Det er quizar og utfordringar for små og store. Du kan gjere det heile på 20 min eller bruke heile dagen.

Nasjonalt Villakssenter fortel om:

Laksen sitt fantastiske liv

Relasjonane mellom laksen og mennesket

Interessekonfliktane knytt til laksen og leveområda hans

Laksen si evne til tilpassing og overleving og korleis me forvaltar han

Framtida – korleis ser framtida for laksen ut i lyset av klimaendringane og mennesket sitt forbruk av natur?

 

Her får du ei djupare forståing av laksen og livet hans innafor ei heilskapleg ramme. Senteret ynskjer å opne nye perspektiv som grunnlag for refleksjon og ettertanke, skape lyst til å vite meir, interesse og entusiasme for å bevare villaksen og leveområda hans, og ikkje minst gje gjesten ei morosam oppleving.

 

Den storvaksne laksen og naturen gjer Lærdalselvi til ei attraktiv lakseelv. Lærdal og Sognefjorden har sterke tradisjonar knytt til laksen.

 

Atlantisk laks er symbolet på Norge med reint vatn – aktivt fiske i elvar og fjordar - berekraftig lakseoppdrett. Nær ein tredel av all atlantisk laksen i verda, er i norske elvar. Villaksen si utvikling er eit mål på korleis me forvaltar naturen, mangfaldet og artane – om me er berekraftige.

 

Eit besøk er ei oppleving for heile familien – store og små.

 

Laksen bakeri og kafè

I same bygget finn du Laksen bakeri og kafè som servera dei nydelegaste bakverk med kald og varm drikke samt take away pizza. 

 

Sogn Kunstsenter

I samme hus som Villakssenteret ligger Sogn kunstsenter. Like før Lærdalskunstneren Hans Gjemse døde i 1994, ga han heile livsverket sitt til Lærdal Kommune. Omlag 1500 av hans kunstverk i form av skisser og ferdige verk er presentert i Sogn Kunstsenter.