Topptur på ski med Hardangerfjord Adventure

Hardangerfjorden er omkransa av fjelltoppar med fantastiske utkikkspunkt på rekke og rad. I vintersesongen tilbyr Hardangerfjord Adventure fleire guida turar i fjellområda rundt Hardangerfjorden, blant anna til toppar som Torefjell, Byrkjefjell, Tveitakvitingen, Vesoldo/Tørvikanuten, Geitafjell, Skrott, Fargaseteggi og Onen, samt kjende Hardangerikon som Oksen og Gygrastolen. 

Guidane i Hardangerfjord Adventure er lokalkjende i fjellområda og finn dei beste utkikkspunkta med dei kjekkaste nedkøyringane, men er også svært kompetente innan sikker ferdsel i vinterfjellet og gir deg alltid ein trygg tur. På skreddersydde turar blir også toppturane tilpassa gruppa sine ynskjer, ferdigheter og behov, men værforhold og skredfare tas alltid omsyn til. 

Kvart år arrangerer Hardangerfjord Adventure ferdigpakka toppturhelg med guiding, overnatting, måltid og andre aktiviteter inkludert.