Topptur på ski til Munkeggi (1300 moh)
Topptur som startar i Saurdal på 600 moh. Turen er lang men det er fin stigning langs Saurdalseggi. Det er flott utsikt til fjord og fjell heile vegen oppover. Det er anbefalt med guide på denne turen eller ein må rådføre seg med lokalt kjende. Kontakt BreogFjell for ein guida tur til Munkeggi
Parkering
Ein køyrer opp til Saurdal vest for Balestrand og parkerer på parkeringsplassen.
Turen opp til Munkeggi
Frå parkeringsplassen går ein rett fram til ein tek av og går opp til Kvilehytta og vidare til gamle linkstasjonen. Etter det går stigninga mot ryggen, Igdedalseggi og då ser ein Munkeggi på venstre side. Køyrer litt ned før stigninga til sjølve Munkeggi. Her må ein holde godt inn frå kanten då det er ein stor snøskavl rett ned i Esedalen.
Rundtur ned til bygda
Turen kan kombinerast med ein meir omfattande rundtur. Ein kan ta seg ned mot Nonskar og vidare opp på Raunekletten. Frå Raunekletten er det fantastisk skikøyring ned til Kalbakk/Kisane. Frå Kalbakk/Kisane køyrer ein inn i skogsterreng ned til Skåsheim (90 moh)
Vanskegrad: Moderat vanskegrad tur/retur Munkeggi. Rundturen er krevande.
Utstyr: Rondonnèe ski eller fjellski med feller.
Tid opp og ned: 7 – 8 timar