I vakre omgjevnader ved foten av Trolltunga finn du Trolltunga Zipline.
Denne guida opplevinga frå Trolltunga Active kombinerer ein lettare dagstur med ziplining i spektakulær natur.
Opplevinga startar ved Trolltunga Active sin base, der du får utdelt nødvendig utstyr og ei grundig innføring før turen går vidare langs Ringedalsvatnet. Undervegs får du oppleva storslått landskap og læra meir om området - ei fin opplading før sjølve ziplininga.
Vel framme ved startpunktet ventar tre zip-linjer med ei samla lengd på om lag 600 meter. Her får du sveva over djupe juv og bratte skrentar, med panoramautsikt mot Ringedalsvatnet, fossefall og fjell i alle retningar. Ei oppleving som kombinerer fart, spenning og naturleg stillheit på ein heilt særprega måte.
Trolltunga Zipline passar godt for deg som ønskjer ein aktiv dag ute i Hardanger-naturen - anten som eit alternativ til lengre fjellturar, eller som eit høgdepunkt i kombinasjon med andre opplevingar i området, til dømes ein guida dagstur til Trolltunga Summer Hike med Trolltunga Active.