Trugetur & Ægir Vikingplanke

Opplev den vakre utsikten høgt over fjorden. Turen byrjar med ein biltur langs Aurlandsfjorden og opp til spektakulære Stegastein utsiktspunkt, 650 meter over havet. Vel framme blir du introdusert til truger, korleis ein går i dei og historia bak dei. På tur opp vil den lokale guiden din fortelja om livet på fjellet, den dramatiske naturen rundt, vinteren langs fjorden og kulturen i området.
Trugeturen på 1,5 time byr på mange mogelegheiter til å sjå fjorden, den sjarmerande bygda undredal, Flåm og dei snødekka fjella rundt heile fjorden. På vendingspunktet får du servert varm drikke og tid til å ta innover deg stillheita og den vakre utsikten. Biletmoglegheitene er mange. Før me reiser tilbake til Flåm blir det eit stopp på Stegastein utsiktspunkt.
Lengde: 2,5 – 3 timar
Sesong: 26. Desember - Mars
På denne turen bør du kle deg varmt og egna for snø. Fortsett kvelden med ein helaften på Ægir BryggeriPub. Her får du servert Ægir's Vikingplanke, ein 5- rettars øl- & matplanke som består av røykt rein, skalldyr, fisk og skalldyrsuppe, svineskanke og mørk sjokoladeganache kake. Planken vert servert med 5 unike typar Ægir-øl som komplimenterer dei ulike rettane.
Aldersgrense 18 år på grunn av alkoholservering. Alkoholfrie alternativer er tilgjengelig.
NB! Må booka før kl. 22:00 kvelden før