Stad
Sandvoll
Turkart
Folgefonna nasjonalpark.
Start og sluttpunkt
Skarveland skule.
Parkering
Mellom rv. 48 og Skarveland skule.
Merking
Informasjonstavle ved start. Inga merking langs skogsvegen. Skilt er sett opp der stien tek av frå skogsvegen, og derfrå er ruta merka med plastbrikker opphengde i trea.
Gradering
Blå. Moderat krevjande, to støvlar etter DNT- systemet.
Høgdeskilnad
80 - 500 moh.
Tidsbruk
2 timar t/r.
Gode råd
Stien som avløyser skogsvegen kan vera blaut i starten. Bruk gode sko.
Turomtale
Gå opp gjennom byggefeltet Heio og ned til Erslandsvatnet. Følg skogsvegen langs Erslandsvatnet og opp lia til skilt ved vegenden. Derfrå tydeleg sti opp til Varden. Dersom du ønskjer ein kort tur i Sandvollsfjella, kan du leggja turen til Varden. Fin utsikt over sunnhordlandsnaturen, med Halsnøy, Stord og Bømlo.