Omkransa av fossefall og bratte lier er Dalsfjorden ein skjult perle på kysten av Vestland.
Dalsfjorden er ein smal fjordarm som strekkjer seg gjennom kommunane Askvoll, Fjaler og Sunnfjord. Dalsfjorden er ein fortsettelse av Vilnesfjorden, og er til saman 43 kilometer lang. I botnen av fjorden munnar det mektige vassdraget Gaula ut.
Dalsfjorden er omringa av eit flott turterreng. Her kan du blant anna besøke Fossedalen, sjå den mektige Laukelandsfossen frå avstand, eller nyte spektakulær panoramautsikt frå Heileberget, 761 meter over fjorden.
Opplev Dalsfjorden
Opplev gjestfridom og ro - overnattingar i pakt med natur og kulturarv.
Du vandrar no i ein UNESCO Global Geopark. Fjordkysten regional- og geopark arbeider for å ta vare på, formidle og utvikle natur- og kulturarven i regionen. Parken er medlemsstyrt og omfattar fem kommunar, med eitt visingssenter - eit såkalla episenter - i kvar kommune. Episentra er lokale knutepunkt for formidling, aktivitetar og samarbeid, og vert drivne i tett samarbeid med lokale partnarar og lokalsamfunn. Bli betre kjend med Fjordkystparken og oppdag kva som gjer området heilt spesielt.
