Florø Terminal
Turen startar med båttur Florø Terminal med turistruta klokka 11.35, og vil ta deg ut til den grøne og frodige øya Skorpa.
Skorpa
Første stopp på ruta er øya Skorpa. Her er det fint å rusle langs vegen. Du kan også låne kanoen som ligg ved vatnet, eller nyte utsikta mot øyane Kinn, Ytterøyane og Store Batalden. Båten har avreise frå Skorpa kai klokka 14.55 og går vidare til Rognaldsvågen på Reksta.
Reksta
Båten går så vidare til øya Reksta der det vil bli eit lite stopp i Rognaldsvågen. Her rekker du å gå forbi butikken og vidare ut til Rognsøya, ein fin stad med gamle sjøhus plassert i vakre omgjevnader. Gå tilbake til butikken og nyt ein kopp kaffi før båten tar deg vidare til Kinn klokka 16.35.
Kinn
Ein kort båttur over Kinnasundet og du er komen til Kinn. Her ute i havgapet ligg den irrgrøne, grasdekte øya med Kinnakyrkja og Kinnaklova. Om sommaren er det opa kyrkje med tidebøn. Båten går frå Kinn klokka 20.35/20.45 og du vil vere tilbake i Florø klokka 21.45. Sjekk på appen til skyss.no kva tid båten går den dagen du skal reise.
