Dagsturhytta i Solund kommune heiter Sognesjøhytta og ligg sør for Hardbakke nær Hopsosen. Det er flott utsyn over Sognesjøen. Hytta ligg om lag 15 m.o.h., og det er 3 km frå parkeringsplass til Sognesjøhytta. Går ein frå Solund senter må ein rekne om lag 1 time på turen.

Nær dagsturhytta er ein liten, skjerma, grunn våg der kajakkar lett kan landast.

Dagsturhytta er eit lågterskeltilbod for turgåarar - ein plass for å ete matpakka si, få litt varme i seg og bla i bøker. Kvar hytte har eit nynorsk turbibliotek med mange ulike bøker. Tilkomst

Ynskjer ein å padle til Sognesjøhytta kan ein parkere ved Hardbakke hamn. Vil du gå til fots og kjem med bil kan du parkere ved Solund senter eller ved starten av turvegen.

Frå Solund senter går du på vegen gjennom byggjefeltet Storehaugen i retning Solund idrettspark. Frå idrettsparken tek du av på ein grusa turveg. Det er bratt stigning opp til Kystarboretet før terrenget flatar ut. Den grusa stien ender ved Kystarboretet. Der er det flott utsikt sørover mot Sognesjøen og dagsturhytta. Følg turstien i terrenget vidare sørover eit lite stykke til stiskille. Ta av mot høgre i retning dagsturhytta. Stien er i eit flott konglomeratlandskap med vekslande berg, myrar og lynghei. Fleire stader er der fint utsyn i alle retningar.

Kontakt

Adresse:
  • 6924 HARDBAKKE
Telefon:
57 74 30 00
E-post:
mail@fjordkysten.no
Nettside:

Hvor er Dagsturhytta i Solund - Sognesjøhytta?