Med rytmer, natur og hamskiftande dans vil GANDR blåse nytt liv i vår eldgamle kulturarv. Danseforestillinga vil bli plassert i fri natur, oppe på Torasletta på veg opp til Vetahaugen.
Ordet «gandr» er norrønt for både «sjel» og «stav». I arbeidet med den suggererande forestillingen GANDR har dansekompaniet FRIKAR reist saman med arkeologar for å forstå meir av kvifor dans har vore så viktig i det kalde nord i 7000 år. Før kristninga av Noreg fanst 6.000 år med arkeologiske og litterære funn av å leike dyr eller å skifte ham. Det norrøne språket hadde eigne ord for å vera sterk i å leike dyr, «hamram», eller ikkje berre å ha ein ham, «eigi einhammr».
Dansekompaniet FRIKAR blei stifta i 2006 av Hallgrim Hansegård og har turnert i 32 land med sin kritikerroste kombinasjon av samtidsdans og gamle norske tradisjonar.
«FRIKAR er meistrar i å skapa ikoniske bilde.» – AVISA VALDRES
GANDR er ein del av fredagssprogrammet til Jubileumsveka Junior:
31.05 kl. 10.30 GANDR, danseforestilling, Torasletto*
31.05 kl. 20.30 GANDR, danseforestilling, Torasletto*
Billettpris barn: 110 kr (Opptil 18 år)
Billettpris vaksne: 215 kr
MÅLGRUPPE:
Framsyninga er kjekk for både barn og vaksne.
Ingen aldersgrense.
Hallgrim Hansegård konsept, koreografi
Julianne Solli, Marnie Josefine Fibieg, Anna Benedicte Andresen dans, koreografi
Terje Isungset komposisjon, munnharpe, bukkehorn, trommer, stein, tre metall
Øyvind Skarbø trommer
Torgeir Vassvik joik, strupesang, gitar
Svein Sandvold lydtekniker
Line Maher kostymer
Ingvild Kristin Kirkvik produsent GANDR
Syv Mil v/Tora de Zwart Rørholt produsent Frikar