Opplev historiske Svanøy!
Frå Florø seglar lokalbåten gjennom eit storslått landskap til Svanøy. Svanøy, kjent som «Sunnfjords perle», er den sørlegaste og frodigaste øya i Kinn kommune. På ein guida tur på Svanøy får du nærkontakten med hjorten på Norsk Hjortesenter, og omvising på vakre Svanøy Hovedgård som gjennom tida har vore både adelssete og bispegods.
Guida tur på sommaren
Frå 28. juni - 9. august kan du bli med på omvising på Norsk Hjortesenter og Svanøy Hovedgård. Transport frå Svanøybukt til Norsk Hjortesenter og Svanøy Hovedgård er inkludert i billetten. Båtbillett tur/retur Florø kjem i tillegg og må kjøpast om bord i lokalbåten.
Reiseforslag
11.35 Avreise med lokalbåt frå Fugleskjærskaia i Florø
12.25 Framkomst Svanøybukt
12.30 Transport frå Svanøybukt til Norsk Hjortesenter
13.00 Omvising på Norsk Hjortesenter
14.10 Transport til Svanøy Hovedgård
14.40 Omvising på Svanøy Hovedgård
15.45 Vandring til Svanøybukt. Her er det mogleg å kjøpe deg ein is på den lokale butikken
16.55 Første moglegheit for avreise med lokalbåt frå Svanøybukt. Ankomst Florø 17.45
20.30 Andre moglegheit for avreise med lokalbåt frå Svanøybukt. Ankomst Florø 21.30
Svanøybukt
Svanøybukt er ein møteplass for både feriegjester og dei lokale innbyggjarane. Her finn du gjestehamn med straum, landhandel og kro. På landhandelen kan du få gratis kart over øya og leige sykkel. Ein sykkeltur på den frodige øya er ei flott oppleving! Ring gjerne til telefon 577 40 029 for å reservere sykkel på førehand. Like ved landhandelen ligg Svanøy kro.
Guida tur resten av året
Guida turar kan bestillast gjennom heile året på førespurnad.