Har du drøymt om å gli lydlaust over havoverflata, kjenne vinden stryke over ansiktet og oppdage kysten frå eit heilt nytt perspektiv? Med Sjøbris Adventure kan du gjere draumen til røyndom. Våre kurs gir deg tryggleik, ferdigheiter og inspirasjon til å utforske fjordar, holmar og opne havstrekk med kajakk.
Sjøbris Adventure tilbyr både Grunnkurs og Introkurs i havpadling – begge kvalifiserer til Våttkort, den offisielle sertifiseringa frå Norges Padleforbund.
Kvifor ta Våttkort?
Våttkortet er meir enn berre eit bevis på ferdigheitene dine – det er nøkkelen til trygge og lærerike padleopplevingar. Mange utleigeaktørar krev våttkort for å leige ut kajakk, og gjennom kurset får du verdifull innsikt i tryggleik, redningsteknikkar og effektive padlevanar.
Uansett om du er nybegynnar eller har padla før, vil dette kurset gi deg eit solid grunnlag for framtidige eventyr på vatnet.
Grunnkurs i havpadling (16 timar)
Grunnkurset går over to dagar og gir ei grundig innføring i havkajakkpadling. Du lærer alt frå grunnleggjande padleteknikk til turplanlegging og trygg gjennomføring. Dette kurset passar for deg som ønskjer ei solid forståing av padling og vil ta ferdigheitene dine til neste nivå. Merk at enkelte utleigeaktørar krev grunnkurs for å leige kajakk.
Dette lærer du:
- Løfte, bere, sjøsette og entre kajakken
- Effektiv framoverpadling
- Bakoverpadling og stopp
- Sideveis forflytning av kajakken
- Lavt støttetak
- Styretak bak
- Sving (sveipetak og styretak)
- Ilandstiging og sikring av kajakk
- Redningsteknikkar
- Skadeførebygging
- Planlegging og gjennomføring av ein enkel padletur
- Generell tryggleik og grunnleggjande sjømannskap
- Friluftsliv, Allemannsretten og sporløs ferdsel
- Verdien av å padle i gruppe og enkle tryggingsrutinar
Dag 1
Vi startar på eit skjerma område med rolege forhold før vi gradvis bevegar oss ut på fjorden. Dagen avsluttast med turplanlegging for dag 2, inkludert nødvendig utstyr.
Dag 2
Gjennomføring av planlagt tur. Vi øver på teknikkane frå dag 1, nyt ein god matpause og fordjupar oss i tryggleik og padleoppleving.
Introkurs i havpadling (4 timar)
For dei som ønskjer ein kortare introduksjon til havkajakkpadling, tilbyr vi eit introkurs på fire timar. Kurset gir ei rask og effektiv innføring i grunnleggjande padleteknikk og tryggleik på vatnet.
Dette lærer du:
- Sittestilling og god padleteknikk
- Løfte, bere og sjøsette kajakk
- Ilandstiging
- Padle forover med rett kurs, stoppe, svinge begge vegar og bakoverpadling
- Kapsize og trygg utgang av kajakken i vatnet
- Kjennskap til lokale padleforhold
- Kort innføring i trygg oppstiging i kajakken, inkludert kameratredning
Praktisk informasjon
Krav til deltakarar: Må vere symjedyktige og over 10 år.
Gruppestorleik: Maks 8 deltakarar per kurs.
Utstyr: Lån av kajakk, padleutstyr, våtdrakt og våtsko er inkludert.
Ta med
Ta med badetøy, håndkle, ein pose til vått tøy samt tørre og varme klær til etter aktiviteten.
Ei flaske vatn kan også være godt å ha med.
Treng du meir informasjon eller ønskjer du å bestille?
Kontakt: +47 952 44 993
E-post: post@sjobrisadventure.no
