Forlatt, på ein liten holme utanfor Lågøy finn du Lågøystolane. Steinkjempane som vart gløymd att av isen som låg over Solund for tusenvis av år sidan. Desse gjev eit særpreg i landskapet som ein ikkje finn andre stadar.
Øyriket Solund er den vestlegaste kommunen i landet, og med sine 1700 øyer, holmar og skjer er Solund den einaste reine øykommunen i Vestland Fylke. Utanfor øya Lågøy finn du Lågøystolane. Dette er store steinblokker som er reist opp på ein uvanleg måte. Ein trur dei er skapt av isen som låg over landskapet under istida. I tidligare tider var desse eit kjent seglingsmerke.
Om du blir med på øyhoppingsturane i Solund vil du kunne oppleve Lågøystolane på nært hald. Det vil ikkje vere mogleg å gå i land, men ein vil kunne ta flotte bileter frå båten. Det er også mogleg å padle kajakk ut til stolane. NKKA/Sognefjord Active tilbyr guida turar. Om du ønskjer å utforske stolane med eige båt ligg der ca. 15-20 minutts båttur unna. Det er ikkje kai ved Lågøystolane.