Ein rundtur på vakre bygdevegar til Ryvarden kulturfyr.

Start i Sveio sentrum. Ta av frå Sveiogata opp bakken mot høgre nokre hundre meter etter kyrkja. Ta til høgre på Tjernagelvegen og følg vegen ca 3 km til skilt til Eltravåg (obs! Dette stykket er det stadvis smal og svingete veg med ein del tungtrafikk). Ta til venstre mot Eltravåg og følg Skiftestadvegen ca 3,5 km fram til Rv 541 Gullvegen. Ta mot venstre i krysset. Ved Lyngholmsvegen kan ein ta ein kort avstikkar til minnestøtta over DS "Thor"s forlis i 1906. Turen går forbi Vandaskog og Mølstre, i Mølstrevåg tar du til høgre og følgjer skiltinga til Ryvarden. Dei siste 2,5 km ut til fyret går på grusveg i kupert terreng gjennom ope kystlandskap.

På Ryvarden er det ope galleri og kafe søndagar og dei fleste kvardagar i sommarsesongen. Om ein ynskjer å overnatte kan ein leige fyrmeiserbustaden eller ei av Flòkehyttene. Turen tilbake til Sveio sentrum går på grusveg over Paddevegen. Sving tilbake mot venstre i Mølstrekrossen, og ta av inn på grusveg mot høgre ved gammalt gardstun. Når du kjem ut på Tjernagelvegen igjen, ta til høgre og etter omlag 200 meter til venstre inn mot sentrum og tilbake til utgangspunktet.

Tekst oppdatert 4.august 2021.

Kontakt

Adresse:
  • 5559 SVEIO
Telefon:
+47 53 74 80 00
E-post:
postmottak@sveio.kommune.no
Nettside:
www.bikemap.net/route/512287

Hvor er Rundtur til Ryvarden kulturfyr i Sveio?