Spaserturen til Ryvarden kulturfyr
Turen ut til Ryvarden Kulturfyr startar i Mølstrevåg, og går på ein brei og grusa sti som passar for dei fleste. Frå parkeringsplassen tek det om lag 30 minutt å gå ut til fyret.
Ein tur til Ryvarden er ei oppleving uansett vêr. Her får du verkeleg kjenna naturkreftene på kroppen medan du vandrar langs havet. Hugs å kle deg etter vêret, for her kan det snu fort.
Fasilitetar
Det er mogleg å leiga fyrmeisterbustaden og overnatte heilt ute i havgapet. I helger, på heilagdagar og om sommaren er det dessutan utstillingar og kafé på fyret, perfekt for ein pust i vinden og ein kopp kaffi med utsikt mot storhavet.
