Gjennom året finn du skiftande utstillingar med samtidskunst frå området og Norge elles. Dessutan finn du også utstillingar frå Sogn og Fjordane Kunstmuseum sin eige samling. Samlingane byr på regional og nasjonal biletkunst og kunsthandverk frå 1900-talet og fram til i dag.
Kunstmuseet er dessutan eit "kunstverk" i seg sjølv. Eit signalbygg som har fått internasjonal merksemd for sin arkitektur. Berre å gå trappa oppover etasjane er som å bevege seg i ein skulptur. Når du først er komen til topps, kan du ta turen ut på takterrassen og nyte finvêret. Du finn også rikhaldig museumsbutikk med eigne publikasjonar knytt til museet sine samlingar og utstillingar, utval av viktige kunstbøker, postkort samt andre gåveartiklar. Kafé Sobra kan dei freiste med varme og kalde rettar laga frå eige kjøkken.
