Hopp til hovedinnhold

Vanskegrad

Middels

Lengde

16 km.

Tidsbruk

1 t.

Maks. høgde

68 m

Underlag

Asfalt

Turskildring


Turen startar i Fitjar sentrum, der du blant anna finn butikkar, overnatting, turistinformasjon og sykkelutleige. Følg RV 545 forbi Fitjar kyrkje og vidare sørover. Etter ca 2 km kjem du til eit plantefelt. Her kan du velje å parkere sykkelen og følgje turstien til Rimbareid på venstre side. Skilt med kart ved starten av turen.

Når du har sykla ca 1 km vidare på RV 545 kjem du til eine kanten av Storavatnet. Her endar og "gamlevegen" frå Fitjar, som er eit alternativ til hovudvegen dersom du ynskjer ein mindre trafikkert trase opp til Vik. Vegen byrjar til høgre for Fitjar kyrkje.

Vidare følgjer du gang- og sykkelvegen mot Tveita. Etter nye 2 km kan du ta av til venstre på ein grusbelagt parkeringsplass. Derfrå går det ein tursti som er mykje brukt av lokalbefolkninga. Turen delar seg i to: ein veg går sørover til Sørlivatnet og Klysgard, medan den andre går nordover til Botnavatnet og Kidno.

Følg vegen vidare forbi Årbøelva til krysset ved nærbutikken Joker. Her er det bord og benkar, og passar fint til ein pause om lag halvvegs på turen. Ta så av RV 545 og inn til høgre mot Koløyholmen. Du syklar 1 km på ein smal landeveg og tek deretter av til høgre mot Fitjar i krysset ved Øvrebygda Bedehus. Etter 4 km kan du ta til høgre ved ein liten parkeringsplass. Her ligg Breiavikjo, ein offentleg badeplass som er ein del av Storavatnet. Det er langgrunt vatn, bord og benkar og toalett.

Vidare syklar du 1 km til du kjem til eit kryss. Her tek du av til venstre og inn på Vestbøstadvegen. Vegen til høgre tek deg inn på "gamlevegen" og vidare ned til Fitjar/Vik. Følg Vestbøstadvegen langs sjøen til du kjem tilbake til Fitjar sentrum.

Kontakt

Adresse:
  • 5419 Fitjar
Telefon:
+47 53 45 85 00
E-post:
fitjar@fitjar.kommune.no
Nettside:

Hvor er Sykkeltur Storavatnet rundt?