Området ligg i idylliske omgjevnadar langs Bømlafjorden i aust og sør, Børøyfjorden i vest og garden Totland i Nord.
Stad
Totland – Moster.
Turkart
Bømlo (1 : 50 000).
Start- og sluttpunkt
Turstien startar og sluttar ved velteplass for tømmer ved Totlandstjørna.
For båtturistar er det mogleg å komme inn på løypa frå Totlandsvika og ved Sætravika på Trøytarosen, eller frå Barmen på Tjørnanespollen (m/liten båt).
Parkering
Ved turstien sitt startpunkt. Den lokale rutebussen stoppar på signal like ved løypa sitt startpunkt.
Merking
Informasjonstavle ved startpunkt. Tur og friluft Dynamiske Mosterhamn har merkt med blått tau langs løypa.
Gradering
Blå. Lett fottur.
Høgdeskilnad
1– 51 moh.
Tidsbruk
5 timar.
Gode råd
Nokre våte parti, bruk høvelege sko.
Turomtale
Totlandskogen er å rekne for den siste urørte skog og utmark på Moster. Området ligg i idylliske omgivnadar langs Bømlafjorden i aust og sør, Børøyfjorden i vest og garden Totland i Nord.
Løypa består i sin heilskap av fire delløyper, som fylgjer lande langs Bømlafjorden og Børøyfjorden inn til to innelukka pollar (Trøytarosen og Tjørnanespollen ).
Dersom du vel og bevege deg vekk frå strandlinja, kan du søke inn mot skogen og opp til løypas høgaste punkt Varhaugen. Frå Varhaugen kan du nyta utsikten ,med Bømlafjorden, som strekkjer seg frå Hardangerfjorden i aust til Sletta i sør (havstykke utanfor Haugesund).
Mot vest ser du Langevåg og Børøyfjorden med sine mange holmar og pollar, og med Siggjo (Bømlo sitt høgaste fjell) som eit bakteppe mot nord.
Løypa førerdeg gjennom eit skiftande landskap frå ope terreng mellom røsslyng og brake på fjellgrunn, til små myrar og inn i lun og tett skog på godt oppgådde stiar.
Langs løypa er det mange moglegheiter til å finna gode fiskeplassar frå land, moglegheitene er og store, for dei som synest det er spennande å gå og leita etter "rekved" som havet har skylt i land.
I store delar av løypa kan du fylgja med på all båttrafikken som glir forbi i skipsleia mellom Bergen og Stavanger.
Badeplassar
Totlandskogen byr også på fleire lune og idylliske viker, med badeplassar både i salt- og ferskvatn.