Vågsberget handel- og gjestgjevarstad er ein av dei best bevarte av sitt slag i Norge. Tidligare var det mange slike handels- og gjestgjevarstadar langs kysten vår. Her kunne reisande få seg ei trygg hamn og ei seng å sove i. Det var likevel handelsprivilegia som var den største økonomien.
Vågsberget låg godt plassert i nærleiken av dei gode fisket rundt Torskangerpollen og Vågsvågen, og var slik ein viktig aktør i foredling og vidareformidling av fisk. Det vart drive handel her heilt tilbake til 1600-talet. Bygningane som står i dag vart reist på slutten av 1700-talet og byrjinga av 1800-talet.
Besøk Vågsberget
I sommarsesongen opnar vi bygningane og du kan få ei minnerik reise gjennom den staslege hovudbygningen og den innhaldsrike krambua. Her finn du dyktige guidar som viser deg rundt på området.
I driftsbygningen er det enkel kafé i flotte lokale. I desse lokala er det ofte mellombels kunst- eller kulturhistoriske utstillingar. Det er også eit flott uteområde med parkanlegg, strand og sanitærbygg.
Tilkomst
Vågsberget ligg 5 km frå Måløy sentrum, Følg skiltinga mot Kannesteinen og Vågsberget.