Mange forbind nok Uskedalen med klatring. Dei bratte fjellsidene ned mot Uskedalen er eit attraktivt klatreområde med ruter av alle vanskegrader, i solid granitt.
Det er nok heller ikkje utan grunn at slagorda til festivalen Festidalen, som finn stad nokre dagar i juni kvart år er rock, fjell, kjærleik.
Det er lett å bli glad i bygda, og mange kjem att år etter år. Mange har for eksempel funne paradiset sitt hos Rabben Feriesenter eller på Dønhaug Gjestegard.
Her er også to flotte gjestehamner, strand og eit hyggjeleg sentrum med bla. daglegvarebutikk.
Uskedalen er også utgangspunkt for både spektakulære og flotte vandreruter.
