Unik overnatting på Runde
Runde Panorama finn du på fugleøya Runde som ligg 2 timar sør for Ålesund like ved Fosnavåg og Ulsteinvik. Dei ni unike hyttene med store vindauge og panoramautsikt, ligg spektakulært plassert i landskapet med utsikt til fuglefjellet og storhavet. Dei er nøye plassert for å gi best mogleg utsikt. Hyttene har topp fasilitetar, og alt du treng for eit opphald i havgapet omringa av eit rikt dyreliv, vakkert kystlandskap og gode aktivitetstilbod. Alle hyttene har eigne namn knytt til ei eller fleire hendingar, stadar eller historier på Runde. Prisar for dei ulike hyttene og booking finn du HER.
Ei heilårsoppleving
På terrassen kan ein nyte solnedgangen etter ein dag med aktivitetar. Eit opphald på Runde Panorama er ei oppleving uansett årstid. Om våren og sommaren kan du nyte fine turar på fjellet eller på sjøen, og om hausten og vinteren kan du site nærmast på første rad med fyr i peisen og sjå på stormar og lysskiftingar i havet. Her kan du virkelig kome heilt nær naturkreftene, men likevel på trygg avstand.
Fuglekikking og andre aktivitetar
På Runde Miljøsenter og hos Opplev Runde kan du bestille opplevingar som f.eks. fuglesafari på Rundefjellet, coasteering, du kan vere fjøreforskar for ein dag, eller bli med på andre spennande aktivitetar.
Rundeskatten
På Runde Miljøsenter finn du også fleire utstillingar, mellom anna av den verdskjende Rundeskatten som stammar frå det nederlandske skipet «Akerendam» som forliste utanfor Runde i 1725 lasta med gullmyntar og andre verdifulle gjenstandar.
Mat og drikke
Hyttene har eit godt utstyrt kjøkken der du kan lage mat samtidig som du nyt utsikta. Men dersom du berre vil slappe av, så er Christineborg Gjestehus nærmaste nabo til Runde Panorama, og om sommaren kan du bestille frukost og middag i restauranten dersom du ikkje vil lage mat på eiga hand.
Korleis kome seg til Runde?
Runde har brusamband til naboøyane som er knytt til fastlandet med undersjøisk tunnel til Ørsta og Volda, eller med ferje og båt i retning Ålesund. Frå Ålesund tar det ca. 2 timar å køyre til Runde inkl. ferje Sulesund-Hareid. Frå Ørsta/Volda, tar det ca 1 time med bil. Hurtigruten og Kystruten stoppar i Torvik like ved Runde. Flyplass finn du i Ålesund og Ørsta. Det går også buss til Runde. Rutetidene finn du hos FRAM.
