Nord-Europas mest unike akvarium og vitensenter

I Altanterhavsparken i Ålesund kan du sjå livet i sjøen på nært hald og lære meir om norsk fauna. Studer fiskar og andre unike sjødyr. Hels på sel, oter og pingvinar.

Atlanterhavsparken ligg i sjøkanten på Tueneset, berre 7 minutt frå Ålesund sentrum. Som ein avstikkar frå bylivet kan du sjå dyr som lever i ekte norske natur, og ta ein nærare titt på det største utandørsbassenget for sel i Europa.

Atlanterhavet på utstilling

Atlanterhavsparken har spesialisert seg på livet langs norskekysten, og fekk i 2019 status som det første Marine vitensenter i Norge. Akvariet er eit utstillingsvindauge av livet langs norskekysten og i Atlanterhavet. Atlanterhavsparken blir i dag rekna for å være det største og mest unike saltvannsakvariet i Nord-Europa. Kvart minutt pumpar heile 10.000 liter sjøvatn direkte gjennom akvariet.

Under overflata

I anlegget kan ein sjå og utforske norsk marint liv frå fleire djubde, og i forhold som er lik ulike lokasjonar langs kysten. Her kan ein lære korleis dei ulike fiskeartane lever saman med algar og andre sjødyr som kråkebollar, krepsdyr og sjøstjerner i sitt naturlege habitat. Det er mykje spennande å sjå og lære, uansett alder.

Nusse, Muffe og Pia

På oterøya kan du møte nordlendingane Nusse, Muffe og Pia. Dei tre oterungane blei funne aleine i naturen i Nord-Norge, men har no gjort sunnmøringar av seg. Nordlendingane stortrivest i sitt eige øyparadis i Atlanterhavsparken der dei får store mengder med kjærleik. Dei er svært sosiale og elskar merksemd frå alle dei som besøker parken. Du kan sjå oterungane viser seg fram under fôringa som foregår kvar dag kl. 14.00.

Suksess med pingvinar

Ein av de store attraksjonane i parken er området til humboldtpingvinane. Den sør-amerikanske pingvinarten trivest best på klipper og steinar langs kysten, og er ein av dei mest truga pingvinartane i verda.

Humboldtpingvinane i Atlanterhavsparken er ein del av eit europeisk avlsprogram som skal bidra til å redde arten. Prosjektet har vore ein suksess, og nesten årleg får pingvinane kyllingar. Du kan sjå mating av pingvinane kvar dag frå kl. 14.30.