Kystlandskap, majestetiske fjell og fartsfylte opplevingar. Hyllestad gir deg den beste ferien i vakkert, urørt natur.
I Hyllestad kan du verkeleg senke skuldrene og kjenne på stillheita. Heilt ytst på nordsida av Sognefjorden ligg Hyllestad idyllisk til, omringa av vakker natur. Her står opplevingane i kø.
Før du startar turen kan du få inspirasjon til overnattingstad i Hyllestad. Bu i koselege hytter og feriehus, moderne hotell, eller rimeleg hostel. Uansett kva du vel er utsikta over fjorden garantert!
Start ferien med å bli kjent med historia til Hyllestad. I Kvernsteinsparken finn du eit utandørsmuseum i dei største steinbrota frå vikingtida og mellomalderen i Skandinavia. Du kan bli med på ei reise tilbake i tid då det var stor aktivitet i Hyllestad, og finne spennande aktivitetar for barn og vaksne!
Etter ein kunnskapsrik dag er du klar for å utforske Hyllestad sitt fantastiske kystområdet. Sognefjord Boating vil ta deg med på ein guida vannscootertur på kysten og i fjordane. Vannscootersafari er ei flott naturoppleving som kan kombinerast med fart og spenning dersom du ynskjer det.
Utforsk det massive fjellet som pryder landskapet i Hyllestad. Lihesten er eit landemerke og samlande symbol for Hyllestad, og vert ofte omtalt som majestetisk, trolsk og utfordrande. På Risnesnipa (777 moh) vil du ha storslått utsikt! Vi anbefaler at du bruker god tid opp fjellet. Både for å nyte utsikta, ein god matpakke og drikke rikeleg med vatn.
No reknar vi med at beina er godt sletne etter i går. Slapp av med ein padletur mellom hundrevis av holmar og skjer langs hav og fjord. Her kan du finne deg ein holme og bade, spise lunsj og slappe av. Du vil komme tett på naturen på ein måte du ellers kanskje ikkje opplev.
Etter ein skikkelig god kviledag er du klar for å utforske fleire skjulte perler langs fjorden og på kysten. Godt gøymt bak majestetiske Lihesten ligg idylliske Porten gard. Her kan du bli med på guida tur til Klemetheia, og nyte nista di ved den idylliske Litjørna, med flott utsikt mot havet og øyriket i vest. Er du heldig får du sjå havørna flyge forbi.
Etter turen kan du vandre i tun og kulturlandskap før det blir enkel servering i tunet eller inne i gamle stovehuset.
Er du fortsatt ikkje ferdig med å utforske Hyllestad sine toppar? Ta deg ein tur til dagsturhytta, Sørefjordhytta. Her får du flott utsikt mot Lihesten og ut over Åjorden.