Reinheimen & Tafjordfjella

Nasjonalparken har mykje av det opphavelege fjelløkosystemet med villrein, jerv, kongeørn, jaktfalk og ryper. Tilknytt Reinheimen nasjonalpark er og landskapsvernområde med unik geologi og verdifulle kulturlandskap, med rikt artsmangfald knytt til seterdrift, slått og beitebruk.

Den norske Turistforening (DNT)

Om du er glad i vandring, så er Tafjordfjella er eit populært turområde sommar som vinter. DNT Ålesund har merka turstiar med betjente og ubetjente turisthytter for overnatting. Her er og lokale selskap som gjerne tek deg med på tur, og som har god lokalkunnskap til området. Med naturguide får du og dei gode historiene som du ikkje kan lese om.

UNESCO Tafjorden

Tafjorden er på den prestisjefulle UNESCO-lista over verdas kultur- og kulturarvstader saman med Geiranger. Fjorden startar ved bygda Valldal og går 15 km inn til bygda Tafjord. Sjølve verdsarvgrensa startar rett innanfor bygda Fjørå, og ein guida kajakktur på den fredfulle verdsarvfjorden er verkeleg å anbefale.

Frå bygdene Fjørå og Tafjord kan ein sjå arret etter då Langhammaren rasa ut fjorden i 1934. Dette steinraset skapte store flodbølgjer og tok 40 menneskeliv i Fjørå og Tafjord. Ulykka er ei av dei største naturkatastrofene i Norge, og er i dag kjent som «Tafjordulykka». På Kraft og Skredsenter i Tafjord kan ein få høyre meir historie kring ulykka, samt at senteret har god mykje spennande informasjon om vasskraftproduksjon, geologi og skredovervåking. 

Klatre Zakariasdammen

For dei eventyrlystne kan ein også få prøve eigne klatreferdigheiter i den store innandørs klatreveggen eller med utandørs fasade-rappellering. Det mest spektakulære aktivitetstilbodet i Tafjord er rappellering og via-ferrataklatring på demninga ved Zakariasdammen, ei 96 meter høg demning som vart bygd i samband med vasskraftutbygging i 1967. 

Tafjordbygda

I Tafjord finn du også Fundergata, eit særprega og historisk gatemiljø med kyrkjebuer, stover og ein skule, det einaste i sitt slag som er att på desse kantar. Bygda Tafjord er og kjent for sitt gode klima, og her finn du Tafjord friluftsbad med oppvarma utebasseng frå lokal kraft, som er ein populær sommarattraksjon. 

Naturopplevingar

Fleire aktivitetsselskap i området kan tilby padling og andre guida opplevingar både på fjorden, i elvar til setrer og fråflytta fjellgardar langs fjorden. Spesielt flott er det å gå frå Sødalsvika opp til fjellgarden Muldal, og sjå Muldalsfossen med 200 m fritt fall. 

Eit anna turmål som gir god utsikt over verdsarvfjorden og Tafjordfjella, er Flyene i Tafjord. Langs fjorden går det veg frå Valldal til Tafjord, gjennom den idylliske bygda Fjørå som har flotte turstiområde med utgangspunkt frå garden Hauge. På Ruset finn ein også eit nonnekloster som driv med vinproduksjon, og du kan gå turstien over Syltefjellet og til klostertomta der det er planlagd å bygge kloster.