Området er lett tilgjengeleg både frå lufta, havet og langs bakken. Og har du først kome hit, er det mange stader å besøke, og mange skjulte perler. Ålesund er knutepunktet for store delar av Sunnmøre og det er fleire gode måtar å reise på. Ei rekke selskap tilbyr og utleige av bil, buss, båt og sykkel.
Reiseplanleggaren – finn dine favorittaktivitetar og planlegg turen
Enten du veit kva du vil, eller treng inspirasjon, så er Reiseplanleggaren ein god start. Her får du tips og idear, og du ser enkelt avstand og reisetid mellom stader og aktivitetar. Reisetida er basert på bil.
Med bil
Mange vegar fører til Ålesund & Sunnmøre, og turen i seg sjølv er ei vakker og innhaldsrik oppleving. Her er nokre tips på vegen:
- Dei fleste fergene går ofte, men søk på ruta her på www.frammr.no
- Køyrer du El-bil, då treng du sikkert informasjon om ladestasjonar mm.
- Vinterstengde vegar og fjellovergangar frå Statens Vegvesen
- Nyttig informasjon når du reiser med personbil eller bobil, for eksempel bomstasjonar, tømeplasser, lover og regler mm.
Frå Oslo følger du E6 til Dombås, og vidare E136 gjennom Romsdalen til Åndalsnes. Alternativt ta E6 til Otta og videre med Riksveg 15 over Strynefjellet til Stryn og vidare til Ålesund, eventuelt frå Grotli til Geiranger via FV63.
Frå Trondheim køyr E39 via Orkanger til Ålesund. Alternativt E6 til Dombås, og vidare E136 gjennom Romsdalen.
Frå Bergen er der og fleire ruter, der E39 er hovudvegen mellom fjordane. Alternativt følger du E39 til Byrkjelo og tek vidare Rv60 forbi Olden og Stryn mot Ålesund.
Med buss og offentleg transport
Ekspressbusstenesta er omfattande i heile regionen med gode samband til/frå Oslo, Bergen og Trondheim. I tillegg går FRAM Ekspress regelmessig mellom Volda, Ørsta, Ålesund, Molde og Kristiansund. Bussruter, billettar og informasjon om ruter på heile Sunnmøre finn du her hos www.frammr.no. Du kan også søke på Entur for offentlig transport i heile landet.
Med båt
Hurtigruten og Havila Kystruten kjem til Ålesund dagleg på nord- og sørgåande rute. I periodar på vår og haust går nordgåande rute også til Geiranger og Hjørundfjorden.
Med tog
Tog til Åndalsnes frå Oslo og Trondheim via Dombås. Busskorrespondanse vidare til Ålesund. Finn togtider hos Entur og busskorrespondanse vidare med FRAM.
Med fly til Ålesund og Ørsta
Ålesund Lufthavn Vigra ligg om lag 20 minutt frå Ålesund sentrum, og har gode samband til/frå inn- og utland. Bestill billettar hos SAS, Widerøe, Norwegian, Discover Airlines, KLM og WizzAir.
Flybussen går til flyankomstar og flyavgongar til/frå Moa og Ålesund sentrum.
Ørsta/Volda lufthamn Hovden har òg gode innanlands samband med Wideroe.