Nord for Ålesund ligg store og små øyar, kalt Nordøyane. Ei rekke øyar som strekk seg frå Ålesund og nordover mot Romsdalsfjorden. Nokre med fastlandssamband med bruer og tunnellar, andre kan du berre nå med båt og ferje som den vesle øya Ona. Sunnmørskysten har ei rik kysthistorie med fiskeri og industri. Landbruk og verftsindustri er av dei største.
Brattvåg er tettstaden i regionen, det er og her du tek ferge til dei ytterste øyane. Her er og eit rikt kulturliv, og kulturhuset tilbyr ei rekke arrangement.
Søvik er eit anna knutepunkt, med hurtigbåt til/frå Ålesund. I nærheita her finn du og Hamnsundhellaren og Bjørnøya Kystbatteri (krigsminne), tilrettelagt for turar.
Nordøyvegen
Innbyggarane her har alltid brukt sjøvegen for å kome seg rundt. Med den nye Nordøyvegen som opnar august 2022, er no mange av øyane knytta til fastlandet med bruer og tunnellar, medan andre fortsatt har båtsamband til andre øyar og til Ålesund.
Merk at det var delopning frå Skjeltene - Lepsøy - Haramsøy - Skuløy/Flemsøy i desember 2021. Denne strekninga er open, og bomordninga tek ikkje til før heile strekninga opnar i august 2022.
Om øyane og attraksjonar
Lepsøya er den første øya du kjem til etter Lepsøybrua. Flotte turmulegheiter som fjellet Goaldet, eller ein tur til Rønstadhelllaren. På fineversdagar kan det og kanskje friste med eit bad på den flotte badestranda ved Prestegarden.
Haramsøya er naboøya, ideell for sykkelturar, både over fjellet og langs vegen. Friske turmål som Ulla Fyr, kvite badestrender og fjellturar på Mannen og Rødhammaren. Populært turmål for både bobilar og båtar.
Skuløy/Flemsøy er øya med dei mange namna, forbindelse til Haramsøya med bru. Ein populær tur er ein fjelltur på Skulen og Skulebua med panoramautsikt over alle øyane og storhavet. Kvite strender og flotte sykkelmulegheiter.
Harøya og Finnøya er dei neste øyane, som har bruforbindelse seg imellom. I dag kjem du deg hit med hurtigbåt frå Ålesund, eller ferge frå Brattvåg.
Ona og Husøy - Eit gammalt fiskevær med unik historie. Her finn du ro i sjela, nyt ein piknik på stranda og rusle rundt blant dei lokale.
