Camping i Sunnhordland er perfekt for bubilferie og familiecamping, med trygge omgjevnader og kort veg til fjord, fjell og spektakulær vestlandsnatur. Her finn du familievennlege campingplassar, flotte turområde og aktivitetar for både store og små.
Opplev naturen på ekte – med god plass, stille kveldar og kort veg til alt du vil sjå og gjera. I Sunnhordland finn du campingplassar som gjer det lett å bu godt og reise grønt – midt i det vakraste Vestlandet har å by på.
Velkommen til ein region der fjord møter fjell, og der campingplassane gir deg tryggleik, service og nærleik til unike opplevingar.
Camping i Sunnhordland er for deg som vil ha naturglede utan stress, der du kan senka skuldrene og vita at alt ligg til rette. Her slepp du å leita etter parkering, vatn og do – alt er på plass, slik at du kan bruke tida på det du kom for: å oppleva.
Vel campingplass og følg campingvettreglane – då tek du vare på natur, folk og oppleving, og bidreg til eit vakkert og gjestfritt Sunnhordland.
Camp Ålfjorden – Sveio
I naturskjønne omgjevnader ved Ålfjorden finn du Camp Ålfjorden – ein moderne campingplass perfekt for bubil, campingvogn og telt. Her kan du slappe av ved sjøen, eller leggje ut på turar i dei vakre omgivnadene. Plassen er eit flott utgangspunkt for aktivitetar både på land og sjø.
Valevåg Camping – Sveio
Valevåg Camping, ein triveleg plass med kort veg til både sjøliv og fotturar, og ei varm, lokal stemning. Dette er plassen for deg som vil kjenne på det ekte vestlandslivet, tett på naturen.
Langenuen Motell & Camping - Stord
Langenuen på Stord ligg idyllisk til ved fjorden Langenuen, midt mellom Bergen og Stavanger. Her kan du bu i hytter, motellrom eller på bubil- og teltplassar med tilgang til moderne fasilitetar. Campingen er perfekt for fiskeentusiastar, barnefamiliar og reisande på E39 som vil kombinere komfort med naturopplevingar.
Kråko Gjestetun – Fitjar
Velkomen til Kråko – eitlevandegjestetun der campingmoro møter festivalstemning! Her er det liv heile året, med arrangement, konsertar og kort veg til aktivitetar som båtturar og kajakkpadling. Ein plass der det alltid skjer noko, men der du òg kan finne ro ved fjordkanten.
Rabben Feriesenter – Uskedalen, Kvinnherad
I Uskedalen, omkransa av majestetiske fjell og breie fjordar, ligg Rabben Camping. Her kan du campe ved sjøen, fiske frå brygga eller leggje ut på fjellturar i området rundt. Ein plass for både kvilepuls og eventyr.
Åkrafjorden Camping – Etne
På veg opp mot Rullestadjuvet finn du Åkrafjorden Camping – eit eldorado for dei som vil kombinere camping med fotturar i vill natur. Her kan du vakne til utsikta mot fjell og vatn, og leggje ut på spektakulære dagsturar rett frå teltet. I åkrafjorden akn du finne mange kjekke opplevingar med Åkrafjorden oppleving.
Kulleseidkanalen Gjestehamn – Bømlo
Ved historiske Kulleseidkanalen på Bømlo finn du ein unik campingplass der du kan bu heilt nede ved vasskanten. Med både gjestehamn og gode campingfasilitetar, er dette staden for deg som vil kombinere båtliv og campingliv – midt i eit grønt og frodig landskap.
Vannes NaturCamping
Vannes NaturCamp - Etne
Vannes NaturCamping ligg skjerma til ved Skåneviksfjorden, og tilbyr ei heilt spesiell overnatting der naturen spelar hovudrolla. Her kjem du tett på fjord, skog og stillheit – anten du overnattar i den enkle og stemningsfulle Villa Vannes eller deltek på leirar og temadagar. Tilkomsten skjer via ein vakker turløype eller med båt, og vel framme ventar ei oppleving prega av ro, fellesskap og ekte nærkontakt med naturen.
Kyrping Camping – Etne
Kyrping Camping ligg idyllisk til ved Åkrafjorden, med spektakulær utsikt over fjord og fjell. Her kan du gå turar i dramatiske landskap, leige båt eller berre lene deg tilbake og nyte utsikta. Campingplassen har både oppstillingsplassar og hytter.
Langevåg Bygdatun – Bømlo
I vakre Langevåg finn du bygdatunet sin bubilparkering, idyllisk plassert ved sjøen. Her kan du ta eit morgonbad, padle ein tur eller nyte stilla. Plassen har gode fasilitetar, og ligg berre ein kort båttur unna Espevær – eit unikt øysamfunn du ikkje vil gå glipp av.
Tysnes Båtutleige – Tysnes
På Tysnes kan du kombinere campinglivet med båtliv! Hos Tysnes Båtutleige finn du fine overnattingsmoglegheiter nær sjøen, med enkel tilgang til båtutleige og vassaktivitetar. Perfekt for deg som vil utforske øyriket på eiga hand.
Fjordtun på Bømlo tilbyr moderne rorbuer i sjøkanten, perfekt for deg som vil kombinera campingliv med litt ekstra komfort. Her kan du leiga både rorbu og båt, og utforska den vakre skjergarden gjennom fiske og dagsturar. Fjordtun passar like godt for familiar som for venegjengar på jakt etter gode naturopplevingar.
Les meir og planlegg opphaldet ditt hos Fjordtun.
