Ditt vertskap i Fjordkysten og Sunnfjord

Dei møter deg med eit smil, eit tips du ikkje finn i guideboka, og kanskje ein kaffikopp på kjøpet.

Vertskapet vårt er dei du møter undervegs på reisa di. Om det er på overnattingsstaden, i båthamna, på fjellturen, i museet eller på den vesle kaféen ved kaia. Det er dei som helsar, gir deg tips, deler ei historie, eller viser deg ein sti du kanskje ikkje hadde funne på eiga hand. Vertskapet i FjordKysten og Sunnfjord er sjølve hjartet i opplevinga.

Men vertskapet arbeider ikkje berre for å skape uforgløymelege opplevingar. Dei er ógså her for å verne og bevare vår unike kulturarv og naturmangfald.

Fleire av bedriftene i FjordKysten og Sunnfjord har opparbeida seg eit miljømerke, som innebærer at bedrifta følgjer bransjespesifikke standarder / krav for å redusere negative påverknader på miljøet.

Kvifor er vertskapet viktig?

Gode menneskemøte er ein viktig del av reisa. Naturen kan vere storslått, men det er ofte møta med vertskapet som gjere reisa uforgløymeleg.

Når vertskapet er godt

• Får gjesten ei trygg og inkluderande oppleving
• Vert besøket meir personleg og ekte
• Auker sjansen for at gjesten kjem tilbake og anbefalar regionen vidare
• Bidreg det til ei berekraftig utvikling for lokalsamfunna

Fjordkysten og Sunnfjord er for deg. Destinasjonen for utforskaren med eit ope sinn – for den nyfikne og undrande. For den fryktlause og modige. For deg!

Kva kjenneteiknar vertskapet i FjordKysten og Sunnfjord?

• Vertskapet i FjordKysten og Sunnfjord er venleg og tilgjengeleg. Dei møter deg med eit smil og er til stades for å hjelpe
• Vertskapet i FjordKysten og Sunnfjord er kunnskapsrik. Dei delar gjerne historie, kultur og tips til aktivitetar, mat og overnatting
• Vertskapet i FjordKysten og Sunnfjord møtar deg med respekt, likeverd og forståing for kulturelle forskjellar
• Vertskapet i FjordKysten og Sunnfjord går gjerne den ekstra mila, frå vegskildringar til gode råd.

Har du spørsmål undervegs på reisa di?

Vertskapet er her for deg, enten du treng tips til turar, aktivitetar, overnatting eller lokale opplevingar. Gå innom den lokale turistinformasjonen, eller snakk med dei du møter. Vi deler gjerne

Merket for Berekraftig reisemål

Fjordkysten og Sunnfjord er ein del av den nasjonale merkeordninga Berekraftig reisemål. Merket betyr ikkje at destinasjonane er hundre prosent berekraftige, men at dei arbeider systematisk med berekraftig reisemålsutvikling. Forbetringane må dokumenterast kvart tredje år. Ordninga har oppnådd "GSTC-anerkjent status", gjeve av Global Sustainable Tourism Council (GSTC).

Visit Fjordkysten og Sunnfjord er også Miljøfyrtårn, eit symbol på vår forplikting til berekraftig praksis og miljøvenleg turisme. Denne milepælen understrekar vår forplikting til å leie an i å fremje berekraftige praksisar i vår region.

I tillegg gjennomførerer reisemålsleiinga tiltak som informerar, støttar og oppfordrar auka berekraft og miljøsertifiseringar.