Spektakulær overnatting i FjordKysten og Sunnfjord

Kom tett på naturen i ein Birdbox

Kom tett på naturen i ein luksuriøs Birdbox - eit romantisk gøymestad som ligg perfekt plassert avsides, på sin eigen veg. Du kjem ikkje tettare på naturen enn dette!

Birdbox er eit prefabrikkert rom som er designa for røffe, norske forhold, og skal gje ly og komfort. Ideen bak ein Birdbox er at den skal vere liten og lett nok til å kunne plasserast på unike stader med minimalt inngrep i naturen. Her vil du få spektakulær utsikt og naturopplevingar i romantisk atmosfære.

Kjenn på følelsen av ekte, norsk natur, haustlege stormar, perfekte solnedganga eller snø dalande ned på frossen bakke. Inne i den moderne hytta finn du ein stor, mjuk seng med eit behageleg mend puter som gir hytta eit varmt preg. Dei store, sota vindauga vil gje ein fantastisk utsikt, utan noko form for innsyn. For dei som er glad i å forlate reiret tilbyr områda rundt nydelege turar. Her kan ein utforske fjella, ta ein svømmetur i eit nærtliggande vatn, eller slappe av med ein god bok.

Senk kvilepulsen på Flatheim

På Flatheim kjem du tett på naturen, fjellet, elva, lyset og lydane, midt i det vestnorske fjell- og fjordlandskapet. Det lille gardshotellet ligg på den Nasjonale Turistvegen over Gaularfjellet, og er det perfekte utgangspunkt for deg som ønskjer å utforske vill og vakker natur.

På Flatheim finn du roen. Overnatt i historiske tømmerhus med sjel og sjarm. Alle romma er ulike og har kvar sine uttrykk. Romma er innreia med omsorg og kjærleik i restaurerte bygningar i tunet. Kring tunet ligg ein koseleg hage med blomar og nyttevekstar. Her kan du få kvilepuls, medan du nyt lyden av den sildrande Gaularvassdraget som renn like ved. Vassdraget er verdifull. Den gjev høve til både bading, fiske og vandring langs vatn, fossar og klart, rennande vatn. Den 22 km lange Fossestien byr på turar som passar dei fleste. Flotte toppturar kan ein også gå, rett frå tunet om ein ønskjer. Avslutt dagen med eit forfriskande bad i elva før du stig opp i den varme badestampen like ved.

Glamping

Skulle du ønskje ei litt annerleis overnatting, primitiv luksus og endå meir nærleik til naturen, så kan du overnatte i glampingtelt på elvekanten. Glamping på Flatheim er det gode liv. Elva og naturen skapar den perfekte ramma for ei natt ute i det fri.

Elvasuite på Jølstraholmen

Med den ville og vakre elva Jølstra lokalisert like vel finn du dei populære elvasuitene som har tatt Instagram-verda med storm! Her ligg to spektakulære hytter, godt gøymt for kvarandre og andre campingturistar. Kvar elvasuite byr på luksus og sjarm, og er utstyrt med ein stor, mjuk seng, hengekøye og stolar der du kan nyte lyden av elvesus i fred og ro, og eit kjøleskap som held sideren kald til du kjem.

I Elvasuiten 1.0 har du eit eksklusivt bad like ved. Her kan du stå under ein stor regndusj frå taket på 270 cm, den så kalla Jølstrafossen. Utanfor har du ditt eige vedfyrte utebadekar med same utsikt.

I Elvasuiten 2.0 har du også eit ekslusivt bad i eige bygg. Her kan du nyte eit vamt deilig bad i badekaret med ei like fantstisk utsikt. Her vil du få den ultimate spa opplevinga.

Føla du deg litt vågal kan du bade i naturbassenget som ligg like ved Elvasuiten. Etterpå kan du nyte ein deilig varm sauna.