Ei nær livet oppleving

Her er det rom for deg. Nær kultur og natur. Nær livet

Brebygda Jølster

Forma av vatnet i evig rørsle ligg bygda Jølster under breen som ein juvel. Når du set stegjernet i isen, kviler ryggen mot ein varde eller fører kajakken stilt langs stranda. Når du dreg, legg snøen seg i spora dine, lyngen røyser seg der du kvilde, vinden stryk ut ringane i vatnet etter åretaka.

Jostedalsbreen er den største isbreen på det Europeiske fastlandet. I Jølster kan du sjå Jostedalsbreen både frå E39 i Kjøsnesfjorden, og i Stardalen. I 1890 vedtok Den Norske Turistforeining å tilsetje førarar med patent på visse ruter over Jostedalsbreen. Etter dette har det vore fleire patentførarar i Jølster for rutene Lunde til Fjærland, og frå Fonn i Stardalen til Veitastrond. Frå gamalt av gjekk folk nødig på breen. Framover på 1800 talet voks trafikken både i form av drifting av kveg, menn på friarferd, eller om ein skulle besøkje nabogrender i bryllaup eller barnedåp. Turistane tok til å vandre på breen på slutten av same hundreår. Berre i Jølster vert desse patentførartradisjonane vidareført i form av dagsturar med erfarne breførarar på Haugabreen.

Å gå i taulag på isbreen er ei unik og spennande oppleving for store og små. Ønskjer du deg ein tur på breen, bruk lokalkjend guide. Bre og Fjell har guida turar på Haugabreen.

Øyhopping blant dei vestlegaste øyane i Norge

Kom tett på det spektakulære landskapet i Solund med tusenvis av øyer, holmar og skjær. Solund ligg ytst i Sognefjorden og har ei vakker urørt natur. Her finn du blant anna dei beste padleopplevingane Norge har å by på.

Med tusenvis av øyer, holmar og skjær er det også eit ruvande øyliv i øyriket. Den lokale postbåten binder øysamfunnet saman ved å levere post og transportere fastbuande frå ein øy til ei anna. Om sommaren kan du vere med på øyhopping med den lokale postbåten frå Solund til Bulandet og Værlandet.

Frå Hardbakke går turen stort sett i roleg farvatn, og ein passerer tronge sund og mange små øyskattar. Her kjem ein tett på natur og dyreliv - nise, kobbe og havørn er ikkje uvanlege syn på turen!

Postbåten stoppar der det er postlevering eller passasjerar. Siste stopp på den ordinære postruta er det idylliske fiskevêret Gåsvær, ein gammal handelsstad. Her får ein moglegheit til å gå i land, og kjøpe seg kaffi eller noko å bite i.

Etter eit stopp på Gåsvær går båten vidare til øysamfunna Bulandet og Værlandet. Her, midt i havgapet, godt vakta av den majestetiske Alden ligg øyane som perler på ei snor, vakkert bunde saman av 6 bruer og 5.240m veg.

Dei beste padleopplevingane Norge har å by på

Det er noko magisk med å kjenne den friske havlufta mot huda medan du padlar. I kvart padletak vil du føle deg nærmare naturen og kanskje også meir levande enn nokon gong. Det er i desse augeblikka vi kjenner oss ikkje berre som tilskodarar til naturen, men som ein del av den - ein del av noko større enn oss sjølve.

Langs FjordKysten og Sunnfjord kjem du tett på naturen når du padlar mellom holmar, skjær, lune viker og kvite strender. Med kvart åretak kjenner du deg meir og meir forent med naturen rundt deg. Her er det lett å la seg rive med av den kraftige kjensla av fridom som berre kajakkpadling kan tilby.

Padle mellom tusenvis av holmar og skjer

Lengst vest i landet ligg øysamfunna Solund, Bulandet og Værlandet med over 2000 øyer, holmar og skjer. Her er vegen kort ut til storhavet, samtidig som øyane gir ly for vind og bølgjer.

Lenger nord, mellom krittkvite strender og stupbratte fjell ligg Måløy. Frå kajakken kan du oppleve gamle handelsstadar, eit rikt dyreliv og strender som strekkjer seg langs kysten. Dei fangar solstrålane og maler ein uimotståeleg kontrast mot det djupe blå havet og dei mektige fjella som reiser seg opp i bakgrunnen.

På Kjøsnesfjorden kan du padle mellom Jølster sin ville natur og brear. Å reise til Jølster er som å reise inn i Nikolai Astrup sitt rike. Det vakre Jølstravatnet strekkjer seg som ei blå kjelde gjennom dei tolv grendene, og gir deg ein eventyrleg padletur. Klarer du å skimte motivet av det kjente måleriet “Kollen” medan du padlar?

Spektakulær overnatting

Kom tett på naturen i ein luksuriøs Birdbox - eit romantisk gøymestad som ligg perfekt plassert avsides, på sin eigen veg. Du kjem ikkje tettare på naturen enn dette! Birdbox er eit prefabrikkert rom som er designa for røffe, norske forhold, og skal gje ly og komfort. Ideen bak ein Birdbox er at den skal vere liten og lett nok til å kunne plasserast på unike stader med minimalt inngrep i naturen. Her vil du få spektakulær utsikt og naturopplevingar i romantisk atmosfære.

På Flatheim kjem du tett på naturen, fjellet, elva, lyset og lydane, midt i det vestnorske fjell- og fjordlandskapet. Det lille gardshotellet ligg på den Nasjonale Turistvegen over Gaularfjellet, og er det perfekte utgangspunkt for deg som ønskjer å utforske vill og vakker natur.

Glamping

Skulle du ønskje ei litt annerleis overnatting, primitiv luksus og endå meir nærleik til naturen, så kan du overnatte i glampingtelt på elvekanten. Glamping på Flatheim er det gode liv. Elva og naturen skapar den perfekte ramma for ei natt ute i det fri.

Jølstraholmen

Med den ville og vakre elva Jølstra lokalisert like ved finn du dei populære elvasuitene som har tatt Instagram-verda med storm! Her ligg to spektakulære hytter, godt gøymt for kvarandre og andre campingturistar. Kvar elvasuite byr på luksus og sjarm, og er utstyrt med ein stor, mjuk seng, hengekøye og stolar der du kan nyte lyden av elvesus i fred og ro, og eit kjøleskap som held sideren kald til du kjem. Føla du deg litt vågal kan du bade i naturbassenget som ligg like ved Elvasuiten. Etterpå kan du nyte ein deilig varm sauna.

Fiske

Langs Noregs dramatiske kystlinje finn du fiskarens paradis. Her er fiskeri ein del av vår kulturarv. Ein stad der fiskinga er meir enn berre ein hobby,ein lidenskap som lever og andar gjennom generasjonar.

Når morgondisen lettar og sola byrjar å skine over det rolege havet, legg fiskarane ut på sine eventyr. Det er noko magisk med å kaste ut snøret og vente i spenning medan bølgane vuggar båten, som gir ein kjensle av ro og tilfredsheit.

Det er i desse augeblinka at ein verkeleg forstår magien som finst langs kysten av Noreg. Ei kjensle av fridom og eventyr som ikkje kan opplevast andre stadar.

Eit av Europas beste fiskevatn

Jølstravatnet er eit av Noregs beste fiskevatn, og her er det mogleg å fiske med stang heile året. Er du aurefiskar, skal du leite lenge etter meir bitevillig aure enn her.

I starten av juni kan du bli med på den årlege fiskekonkurransen i Jølster. Jølster Aurefest strekkjer seg over tre dagar og har vore arrangert sidan 2014. Inspirasjonen og bakgrunn for arrangementet, går heilt tilbake til Fiskekonkurransen i 1958. Her er det flotte premiar å vinne!

Flekke- og Guddalsvassdraget

Ved Hellebustfossen har du moglegheiten for storfangst av laks. Hellebustfossen ligg ved Flekke- og Guddalsvassdraget i Fjaler og by på både laksefiske og andre flotte naturopplevingar.

Nausta, ei av landets beste lakseelver

Nausta, kjent som ei av landets beste lakseelver og finaste vassdrag, og har utløpet sitt i Førdefjorden. Ho er lakseførande i 12 kilometer. Elva renn gjennom eit jordbruksområde, og er omkransa av ein variert og fin natur. Ho er ei typisk flomelv, der vasstanden kan variere mykje på kort tid.

Dei vakraste sykkelperlene

For deg som føretrekk å halde deg på fast grunn anbefaler vi å finne kvilepulsen på sykkelsetet. Her vil du vere omgitt av mektig natur, eit vakkert kystlandskap, kraftfulle fossar og majestetiske fjell - eit sceneri som samlar ingredienser for ekte magi.

Sykle mellom små grendesamfunn, oppleve ein variasjon av fjordlandskap og landlege omgjevnader, reis på øyhopping mellom dei mange øyane, nyt småbyidyll og kjenne den kraftfulle energien fossane i Sunnfjord gir deg.