Verdas beste stad å studere ei fjellkjede si vekst og fall
Der fjordane munnar ut i talrike holmar og øyer reiste verdas høgaste fjellrekkje seg for om lag 400 millionar år sidan; den kaledonske fjellkjeda. Fjellkjeda var minst like høg som Himalaya, både i høgdemeter og utstrekking. Fjellkjeda er for lengst vekke, tært ned av tidas tann, men den etterlet seg eit variert landskap med mange spor, som no har blitt anerkjent av UNESCO.
Fem livskraftige reisemål i Fjordkystparken
Solund, Fjaler, Askvoll, Hyllestad og Sunnfjord samarbeider om å ta vare på og utvikle dei lokale natur- og kulturressursane under Fjordkysten Regional og UNESCO Global Geopark. Her kan du oppleve spennande geologi, møte villsauen som skapar verdiar og eit levande landskap, eller møte alle ildsjelane som under namnet "mangesyssleri" gir alt dei har for heimstaden sin.
Fjordkysten Regional- og ein UNESCO Global Geopark er Noreg sin første kombinerte Regional- og Geopark.
Les meir om Fjordkystparken, og finn spennande aktivitetar her.
