Idyllisk og ekte
Det er nesten som ein ikkje skulle tru det, men Bondhusvatnet er ekte – sjølv om det nesten ser ut som det er «filter» på linsa. Det turkisblå brevatnet, fjella som ligg rundt, naturen så tett på – det er rett og slett vakkert.
Ta turen til populære Bondhusvatnet
Turen til Bondhusvatnet er ein av dei mest populære i området. For å kome hit må du først til den vakre bygda Sundal, som ligg ca 1 time frå Rosendal, og ca 20 minutt frå Odda i Hardanger. Kjem du i retning frå Rosendal, passerer du vakre Furebergfossen på vegen hit.
Parkering
Ved startpunktet til turen er det parkeringsplass. Parkering kostar 100,- og går til tilrettelegging av staden. Turen opp til vatnet er ei oppleving i seg sjølv. Bondhuselva er godt synleg frå turvegen. Elvevatnet har, som Bondhusvatnet, ein fascinerande farge. Det er ein relativt lett tur, som er godt tilrettelagt.
Nyt turen og inntrykka
Oppe ved Bondhusvatnet er det mest slik at ein berre «må» setje seg ned, ta ein pause, og ta inn alle inntrykka – og sjølvsagt ta bilde! Anten det regnar eller sola skin er dette eit flott motiv!
Bondhus er utgangspunkt også for andre turar, anten kortare eller lengre. Folgefonni Breførarlag tilbyr guida turar, både på breen og på fjorden.