Sandane ligg vakkert til ved fjorden. Den vesle bygda er eit skjult skattkammer for dei som søker autentiske opplevingar, med eit rikt kulturliv, prisvinnande matprodusentar og aktivitetar for heile familien. Like ved ligg også den vesle bygda Kandal, kjent for sine prisvinnande lokalmat og idylliske landskap.
Natur og landskap
Sandane er omkransa av ruvande natur, med fjorden på eine sida og fjella på den andre. Eit av Norges flottaste turområde finn du her i Trivselsskogen rett ved Sandane sentrum. Turen kan du starte frå midt i sentrum og eit utval av stiar fører deg opp til eit fantastisk utsiktspunkt der du kan sjå ned på Holviksfossen. På vegen har lokalbefolkninga gjort stien til eit eventyr i seg sjølv.
Kandal er ein liten sidedal aust for Sandane, kjent for sitt rolege og idylliske landskap. Her ligg gardar som har drive med matproduksjon i generasjonar, omgitt av frodig beite og vakre kulturlandskap.
Aktivitetar
Sandane er også eit eldorado for stisykling. Rundt om i kommunen kan du ta med deg sykkel og sykle eller gå fram til dei aller fleste støylane på gode grusvegar. Trivselshagen byr på innandørs bading og klatring. Nede ved fjorden er stranda grunn slik at store og små enkelt kan kjøle seg ned..
På Stall Rygg kan du oppleve ridetur i det dramatiske fjordlandskapet – ein perfekt aktivitet for heile familien. Padling på Gloppefjorden, laksefiske i Gloppenelva og fjellfiske i talrike fjellvatn gjev rikeleg med valfridom for den som vil ut i naturen. Dersom du vil ha ein kulinarisk oppleving kan du besøke Kandal Ysteri og Gardsmat og få servert den beste brunosten i Norge!
Les meir på nordfjord.no
Kultur og historie
Nordfjord Folkemuseum ligg idyllisk til i utkanten av Sandane sentrum. Friluftsmuseet har 44 historiske bygningar frå heile Nordfjord, dei fleste frå 1700- og 1800-talet. Her kan du få eit innblikk i korleis folk levde i regionen gjennom fleire hundre år og oppleve historiske Holvikejekta, også kalla “havets stavkyrkje”.
Glopperock er Noregs eldste rockefestival og samlar rockeelskarar til Sandane sentrum kvar sommar medan Gloppen Musikkfest byr på folkemusikk i verdsklasse.
Bygdene er også kjende for sin lokalmat. Hos Kandal kjøtt og Kandal Ysteri & Gardsmat kan du få smake på prisvinnande geitekjøt og geitost. På Sølvane Gard kan du få oppleve ekte lokalmat og opera på ein og same tid. Garden Påldtun og destilleriet Gardsbrenneriet gir deg også lokalprodusert mat og drikke av høg kvalitet.
